چین د کرونا وبا ضد مبارزه کې ستر بریالیتوبونه تر لاسه کړي او د دې مبارزې په بهیر کې یې د ټېکنالوژۍ ځواک هم کارولی دی.
۱ـ ډرونونه د کرونا وبا د ټيسټ نمونې لیږدوي
په دغو ډرونونو کې يو بکس نصب شوی او په معیاري تودوخې د ټیست نمونه ساتي.
۲ـ د خلکو د تودوخې مالومولو روبوټونه
دغه روبوټونه له لیرې د انسان د بدن تودوخه مالوموي، که د تودوخې درجه يې ډېره وي، نو بيا خبرداری ورکوي او چا چې ماسک نه وي اچولی، نو بیا ورته يادونه کوي، چې ماسک واچوه.
۳ـ د خواړو ویشونکي روبوټونه
دغه روبوټونه په هوټلونو کې کرنتين شويو کسانو ته خواړه ور وړي او په دې ترتيب د خلکو ترمنځ د ويروس د خپرېدو مخه نيول کيږي.
د چين نور پرمختللي ماشینونه هم پیاوړی ځواک لري.
د مثال په توګه، په شانګهای کې د کرونا وبا ضد مبارزه کې د چینګ ګنګ لومړی نمبر طبي ماشین کارول کيږي.
دغه ماشين په اوټوماټیک ډول د کرونا ټېسټ ډګر په توګه شپه او ورځ ۲۴ ساته کار کوي او هره ورځ د ۴۵۰۰ ټیوبونو نمونې ټېسټ کوي. (هیله)
