شل‌اوریز جام؛ پاکستان سبا له هند سره خپله دویمه لوبه کوي

ټاکل شوې سبا  د یکشنبې په ورځ د امریکا په نیویارک ښار کې د روان نړیوال شل اوریز جام تر ټولو مهمه او زړه راښکونکې سیالۍ د هند او پاکستان ترمنځ ترسره شي. دغه سیالۍ د افغانستان پر وخت د ماښام په ۷ بجو پیلیږي او اټکل کیږي، چې ټوله نړۍ کې میلیاردونه کسان په ټلویزیون او زرګونه نور یې لوبغالي کې له نږدې وګوري. د دواړو هېوادونو ترمنځ مخکېنۍ لوبې اکثریت هند ګټلي دي. دواړه لوبډلې په داسې مهال یو بل سره مخ کیږي، چې هند خپله لومړۍ ګروپي لوبه له ایرلنډ څخه ګټلې او پاکستان بیا د ګروپ له بل غړي امریکا څخه سخته ماتې خوړلې.