په هرات ولایت کې د اطلاعاتو او کلتور ریاست مسوولینو ویلي، چې له اسراییل سره تر جګړې وروسته ایران د افغان کډوالو د جبري ستنولو بهیر بیا چټک کړی دی. په یاد ولایت کې د اطلاعاتو او کلتور رییس احمدالله متقي یوې غونډې ته د خپلې وینا پر مهال ویلي، چې له اسراییل سره د جګړې تر پیل مخکې ایران هره ورځ د اسلامکلا له لارې شاوخوا ۳۰۰۰ افغان کډوال په زور بېرته لېږل، خو اوس دا شمېره هره ورځ تر ۱۰٬۰۰۰ پورې رسېدلې ده. نوموړي خبرداری ورکړی، چې کېدای شي په راتلونکو ورځو کې له ایران څخه په جبري ډول د افغان کډوال په ستنولو کې لا زیاتوالی راشي او دا شمېرې هره ورځ له ۱۵ زرو څخه تر ۲۰ زرو پورې لوړې شي. بلخوا په کابل کې د ایران سفیر علي رضا بېکدلي وایی، چې د ایران حکومت به د افغان کډوالو پر وړاندې دا « ظالمانه او غېر قانوني » اقدام ترسره نه کړي.
