مایک پمپیو: ایران په سیمه کې ناکرارۍ او ترهګرۍ ته لمن وهي

د امریکا د بهرنیو چارو وزیر مایک پمپیو پرون د ملګرو ملتونو د امنیت شورا غونډې ته چې د منځني ختیځ د سولې او پر امنیتي چلنچونو بحث ته ځانګړې شوې، په مشخص ډول د ایران نوم واخیست او تهران یې بیا تورن کړ چې تهران او نیابتي ځواکونه یې د عراق، لبنان، سوریې او یمن په کړکېچونو کې ترهګرۍ او ناکرارۍ ته لمن وهي چې ناوړه بشري عواقب یې رامنځته کړي دي. پر ایران د ملګرو ملتونو له خوا د لګول شویو بندیزونو په ترڅ کې د ایران د سپاه پاسدران انقلاب د قدس د ځواک پر قوماندان قاسم سلیماني د سفر بندیز هم لګول شوی دی. پر نورو ۲۳ ایراني چارواکو هم د سفر بندیزونه لګول شوي دي.