له کرونا وبا سره د ټولې نړۍ له مبارزې درې کاله تېر شوي. چين له تېرو درېيو کلونو راهيسې د خلکو ژوند او ګټو ته د لومړيتوب ورکولو پر اصل ټينګار کړی، د وبا د مخنيوي د کنترول، د اقتصادي او ټولنيز پرمختګ کې يې اغېزمن تدبيرونه نيولي او د خلکو د ژوند او روغتيا په ساتلو کې يې برياليتوبونه تر لاسه کړي. په چين کې پر کورنا ويروس د اخته وګړو د مړينې انډول د نړۍ د نورو هېوادونو په نسبت په ټيټه کچه کې ساتل شوی. دغه راز چين د لوی نفوس لرونکي هېواد په توګه د کرونا وبا پر وړاندې مبارزه کې د انسانانو د تاريخ معجزه جوړه کړې ده.
چين څرنګه دغه لاسته راوړنه موندلې او په دې بهير کې يې د نړۍ لپاره څه خدمتونه کړي دي؟
د کرونا وبا د انسانانو په تاريخ کې ډېره نادره نړيواله ساري ناروغي او هم له دوهمې نړيوالې جګړې وروسته تر ټولو سخت نړيوال روغتيايي بحران بلل کېږي. دغه وبا د چين په شمول د ټولو هېوادونو لپاره يوه سخته ازموينه وه او ده.
چين يو ميليارډ او ۴۰۰ مليون نفوس لري او د دغه هېواد د يوه منځني ښار نفوس د يو کوچني هېواد له نفوس څخه زيات دی.
چين د کرونا وبا ضد مبارزه کې له ډېرو نورو ستونزو او ننګونو سره هم مخ دی. د بېجينګ په شان د لويو ښارونو د اوسېدونکو شمېر او د وګړو رتګ راتګ زيات دی، د دې ترڅنګ د زياتو کليوالو سيمو د طبي تاسيساتو او خدمتونو کچه له پرمختللو سيمو څخه ټيټه ده.
(عکس: د بېجينګ د واکسين تزريق په يوه کلينيک کې طبي کارکوونکی يوې بوډۍ ته د واکسين ورکولو په حال کې دی.)
د چين حکومت د ياد پېچلي وضعيت سره سره او د کرونا وبا د حملې پر وړاندې داسې چارې تر سره کړي، چې د ۲۰۱۹م کال له پای څخه د ۲۰۲۰م کال تر لومړۍ نيمايي پورې پر وخت د کرونا وبا تشخیص کړه او سمدلاسه يې د دغې وبا د خپرېدو د مخنيوي لپاره په وو هان ښار د کرنطين مهمه پرېکړه کړې، په دې سره يې په هېواد کې د کرونا وبا د وقايې عمومي وضعيت خوندي ساتلی او تر ممکنه حده يې د خلکو ژوند او روغتيا ته متوجې زيانونه راکم کړي دي. چين په پراخه ساحه کې د کرونا وبا د اصلي خطرناک ويروس او ډلټا ويروس د خپرېدو مخه نيولې او تر ډېرې اندازې يې د کرونا وبا د سختو ناروغانو د رامنځته کېدو شمېر او د دې وبا له امله د مړو شويو کسانو شمېر کم کړی دی. بر سېره پر دې، چين پر وخت د روغتيا نړيوال سازمان ته د کرونا وبا معلومات وړاندې کړي، پر وخت يې د دغه ويرس د ارثي کوډ (gene sequence) معلومات د نړۍ پر وړاندې خپاره کړي او پر وخت يې د درملنې او د وبا د وقايې پلان خپور کړی، چې دغو معلوماتو په نړيواله ټولنه کې د کرونا وبا د وقايې او کنترول او د واکسينونو او كشفوونكو موادو د څېړنې او توليد لپاره يې علمي بنسټ برابر کړی دی.
(عکس: د ۲۰۲۰م کال په مې کې د چين طبي ډله په کانګو کې د ناروغانو د پالنې لپاره د خونو د جوړولو په موخه ځايي کارکوونکو ته لارښوونه کوي.)
چين د ۲۰۲۰م کال له لومړۍ نيمايي څخه د ۲۰۲۲م کال تر پايه پورې د کرونا وبا د وقايې او کنترول د عادي تدبيرونو د نيولو تر څنګ د درملو او واکسينونو د څېړنې او توليد بهير چټک کړی او په لنډه موده کې يې په وړيا توګه خلکو ته د کرونا وبا ضد واکسينونه ورکړي. د دغو تدبيرونو پر مټ په څه باندې دوو کلونو کې په چين کې د خلکو ژوند او روغتيا او د اقتصادي او ټولنيز پرمختګ عادي نظم خوندي ساتل شوی.
چين د خپلو ستونزو سره سره تر وسې پورې د کرونا وبا ضد مبارزه کې له نورو هېوادونو سره مرستې کړې. چين څه باندې ۱۵۳ هېوادونو او ۱۵ نړيوالو سازمانونو ته محافظتي توکي ورکړي، له څه باندې ۱۸۰ هېوادونو او سيمو او تر ۱۰ نړيوالو سازمانونو سره يې د کرونا وبا د وقايې او درملنې معلومات شريک کړي، ۳۴ هېوادونو ته ۳۷ ځانګړې طبي ډلې ليږلې او تر نورو هېوادونو دمخه يې ژمنه کړې، چې د کرونا وبا ضد واکسينونه به نړيوال عامه توليدات کړي، څه باندې ۱۲۰ هېوادونو او نړيوالو سازمانونو ته يې له ۲ ميلياډو او ۲۰۰ ميليونو زياته ډوزه واکسينونه برابر کړي دي، چې دغه رقم د نورو هېوادونو د مرستندويه واکسينونو په پرتله زيات دی. د نړۍ زياتو هېوادونو له چين څخه مننه وکړه.
(عکس: د ۲۰۲۱م کال په اګست کې د کرونا وبا ضد د چين د مرستندويه واکسينونو درېيمه جوپه د فليپين د مانيلا هوايي ډګر ته ورسېده.)
