پاکستان کې د پولیو شپاړلسمه پېښه ثبت شوې

پاکستاني چارواکو ویلي، چې پرون په سېند ایالت کې د پولیو یوه نوې پېښه ثبت شوې ده. دا په پاکستان کې په ۲۰۲۴ کال کې د پولیو شپاړلسمه ثبت شوې پېښه ده. د روغتیا ملي موسسې کې د پولیو د له منځه وړلو سیمه ییز لابراتوار د چارواکو په وینا، دا ناروغي په حیدراباد کې په یو ۲۹ میاشتني ماشوم کې لیدل شوې. پاکستاني رسنیو لیکلي، چې د روان کال له پیل راهیسې دا ناروغي په ۶۲سیمو کې ثبت شوې ده. د دې ناروغۍ ۱۲ پېښې په بلوچستان، درې په سند او یوه په پنجاب کې ثبت شوې ده. تر دې مخکې د روغتیا نړۍوال سازمان ویلي و، چې له پاکستانه د افغان کډوالو اېستل او په لویه کچه د خلکو بې ځایه کېدل په افغانستان کې د پولیو د خپرېدو خطر زیاتوي.