مسکو کې له دوه ورځينيو خبرو وروسته؛ لوړ پوړي امريکايي چارواکي او طالب استازو سره کتلي دي

یو لوړ پوړي امریکايي استازي په مسکو کې له طالب چارواکو سره لیدلي او له افغانستان نه یې د امریکايي ځواکونو د وتلو ملاتړ کړی دی. اسوشیتدپرس خبري اژانس ویلي، چې دا لیدنه د مسکو له دوه ورځنۍ بین الافغاني غونډې ورسته وشوه. په همدې حال کې د افغانستان لپاره د روسیې ځانګړي استازي ضمیر کابلوف ویلی چې روسیه به له افغانستان څخه د امریکايي ځواکونو په وتلو او د امریکا او طالبانو په مذکراتو کې مرسته وکړي. روسیې همدا راز ویلي دي که د ملي امنیت د شورا نور غړي موافق وي، مسکو چمتو دی چې پر ځینو طالب مشرانو باندې د لګولو شویو بندیزونو د لرې کولو ننګه وکړي. د طالبانو ځینو سرچینو ویلي دي چې له افغانستان څخه د امریکایي ځواکونو په وتلو موافقه شوې ده، خو د افغان سولې لپاره د امریکا ځانګړی استازی زلمی خلیلزاد وايي چې له افغانستان څخه د امریکایي ځواکونو د وتلو مهالوېش نه دی ټاکل شوی.