د پاکستان د څېړنې او امنیت د مطالعې مرکز په تازه خپاره کړي راپور کې ویلي، چې تېره اګست میاشت د ۲۰۱۸م کال له جولای را په دې خوا د دغه هېواد لپاره تر ټولو خونړۍ میاشت وه. دغه غیرحکومتي مرکز په تېره اګست میاشت کې په بلوچستان ایالت کې ډېرې امنیتي پېښې شوي، خو د نورو میاشتو په پرتله په خیبر پښتونخوا او د پاکستان په نورو سیمو کې امنیتي پېښې یو څه کمې وې. د څېړنې او امنیت د مطالعې مرکز دغه راز زیاتوي چې د اګست میاشت د پاکستان لپاره سږ کال تر ټولو خونړۍ وه، چې په لړ کې یې ۲۵۴ تنه وژل شوي دي. د یاد راپور پر بنسټ په وژل شویو کسانو کې ۹۲ تنه ملکیان او۵۴ پوځیان او ۱۰۸ د دولت مخالف وسلهوال شامل دي.
