زلمی خلیلزاد: پاکستان ته مې ډېر واضح ویلي چې د ترهګرو ملاتړ پرېږدي

پاکستان ته په روښانه او واضح توګه ویل شوي چې نور دې ترهګرو ته پنا نه ورکوي. د افغانستان د سولې په برخه کې د امریکا د بهرنیو چارو وزارت ځانګړي استازي زلمي خلیلزاد ویلي، په واضح توګه یې پاکستان ته ویلي چې د ترهګرو له ملاتړه لاس واخلي او دغه ډلو ته پناه ور نه کړي. نوموړي له واشنګټن پسټ سره په خبرو کې ویلي، پاکستان هغه وسله والو ډلو او ترهګرو ته پنا ورکوي، چې افغانستان ورانوي او پر عامو وګړو بریدونه کوي. دده په خبره له همدې امله به پر پاکستان فشارونه دوام لري او دغه هېواد به اړ کړل شي چې د ترهګرو له روان ملاتړ لاس په سر شي. هغه ویلي دې پایلې ته رسېدلی، چې طالبان هم له سیاسي لارو د روانې جګړې د پای ته رسولو پلویان دي. خلیلزاد همدا راز د مسکو په غونډه کې د امریکا او طالبانو ګډون هم نه دی رد کړی او وایي د سولې او سیاسي مذاکراتو لپاره له ټولو ممکنو لارو چارو کار اخلو.