د بېلابېلو هېوادونو کارپوهان: د شانګهای همکارۍ سازمان په رښتيني ډول څواړخيزم عملي کويد ۲۰۲۵م کال د شانګهای همکارۍ سازمان سرمشريزه به د اګست له ۳۱ مې د سپتمبر تر لومړۍ پورې د چين په تيانجين ښار کې ترسره شي. د يو شمېر هېوادونو کارپوهانو ويلي، چې دغه سازمان په رښتيني ډول څواړخیزم عملي کوي، د نوي ډول نړيوالو اړيکو په پاللو کې مثال ګرځېدلی او نړۍ ته به لازياتې ثابتې او مثبتې انرژۍ ورکړي.
د قرغېزستان د ملي ستراتېژيکو نوښتونو د څېړنيز مرکز مرستيال شمکربک ادیلبیکوف وايي، د شانګهای همکارۍ سازمان نه يوازې د سيمې د ادغام بهیر د پرمخ بېولو لپاره مهم پلاټفورم ګرځېدلی، بلکې د حکومتوالۍ د تجربو او کلتور د تبادلې په برخو کې مهم رول لوبوي.
د روسيې د نړيوالو چارو کمېټې چارواکی اندري کورتونوف وايي، د شانګهای همکارۍ سازمان د څواړخيزو همکاريو د نوي ډول ماډل د رامنځته کولو هڅه کوي، د دغه سازمان په داخل کې د درجو وېشلو جدي مقررات نه شته، بلکې ټول غړي هېوادونه يې د پرېکړو د نيولو او عملي کولو په جريان کې مساوي حق لري، نو ځکه دغه سازمان د نوي ډول نړيوالو اړيکو په پاللو کې مثال بلل کېږي.
د پاکستان د بحريه پوهنتون پروفیسور حسن داود وايي،”د شانګهای روحيه“ چې د شانګهای همکارۍ سازمان اصلي نظريه بلل کېږي، د چين د دولت رئيس شي جين پينګ لخوا وړاندې شوو نوښتونو سره مطابقت لري. پاکستان او ډېرو ګاونډيو هېوادونو د دغه سازمان له پرمختګ او”کمربند او لارې“ نوښت څخه ګټې ترلاسه کړې دي. نوموړي هيله ښودلې چې د شانګهای همکارۍ سازمان جوړېدونکې سرمشريزه به د دغه سازمان په باکيفيته پرمختګ کې رغنده مرسته وکړي.
