د روسیې ولسمشر ولادیمیر پوتین د اګست د ۳۱مې نېټې په سهار د شانګهای همکارۍ سازمان د ۲۰۲۵ کال په سرمشریزه کې د ګډون په موخه په ځانګړې الوتکه کې تیان جین ښار ته ورسېد .
دا د ۲۰۲۴ کال له مې میاشتې وروسته چین ته د پوتین دویم رسمي سفر دی.
روسیه د شانګهای همکارۍ سازمان د شپږو بنسټ ایښودونکو غړو هیوادونو څخه ده.
د چین او روسیې د مشرانو تر سټراټیژیکې لارښوونې لاندې، د دواړو هېوادونو اړیکې د تاریخ په تر ټولو ښه حالات کې قرار لري. اوسمهال د نړۍ په ګډ وډ حالت کې د چین او روسیې اړیکې د ثبات بېلګه ده او مهم سټراټیژیک اهمیت لري.
ټاکل شوې چې پوتین به له تیان جین څخه وروسته بیجینګ ته د جاپاني تیري ضد د چینایانو جګړې او د فاشیزم ضد نړیوالې جګړې د بریا د ۸۰مې کلیزې د نمانځنې په غونډې کې ګډون وکړي.
روسي سرچینو ویلي دي چې له ولسمشر پوتین سره په دې سفر کې یو (ستر او مهم پلاوی) ملګری دی، چې درې مرستیال صدراعظمان، له لسو څخه زیات وزیران او د سترو شرکتونو استازي پکې شامل دي. د ولسمشر پوتین دغه سفر په نوې زمانه کې د چین او روسیې د لوړې کچې هر اړخیزو سټراټیژیکو همکاریو د شتون څرګندويي کوي.
