د چین د دولت رئیس شي جين پينګ د اګست د ۳۱مې نېټې په سهار په تیانجین ښار کې د قرغېزستان له ولسمشر صدير جاپاروف سره کتل. سدير جاپاروف د ۲۰۲۵ کال د شانګهای همکارۍ سازمان ه سرمشريزه او د جاپان د تيري پر ضد د چينایانو د مقاومت جګړې او د فاشيزم ضد نړيوالې جګړې د بريا د ۸۰مې کليزې د يادونې په مراسمو کې د ګډون لپاره چين ته راغلی.
شي جين پينګ په خپلو خبرو کې وویل: د روان کال له پیل راهيسې مو دوه بريالۍ غونډې ترسره کړې دي، چې د چين او قرغېزستان د اړيکو د پرمختګ او د هر اړخيزې همکارۍ د ژوروالي په اړه پکې پراخې اجماع ته رسېدلي یوو.
ده زیاته کړه چې چين غواړي د قرغېزستان ملاتړ ته دوام ورکړي او د چين او قرغېزستان د ګډ برخلیک ټولنه جوړه کړي.
صدير جاپاروف هم په دې لیدنه کې وويل چې چين د قرغېزستان ښه ګاونډی او ملګری دی او قرغېزستان به د تایوان مسئلې په څېر د چین په مهمو ګټو لرونکو مسئلو کې تل د چین د دریځ ټینګ ملاتړ وکړي. هغه زیاته کړه چې قرغېزستان غواړي د شانګهای همکارۍ سازمان د نوي پرمختګ لپاره له چین سره همکاري پیاوړې کړي. ده دغه راز وویل چې قرغېزستان د نړۍ د نوښتونو په اړه د چین درېیو لویو وړاندیزونو ډیره ستاینه او ملاتړ کوي او غواړي له چین سره څو اړخیزه همغږي پیاوړې کړي ترڅو په ګډه نړیوال عدالت وساتي.
