د چین د دولت رئیس شي جين پينګ د اګست په ۳۱مه غرمه په تيان جین ښار کې د هند له صدراعظم نارندرا مودي سره، چې د ۲۰۲۵ کال د شانګهای همکارۍ سازمان په سرمشریزه کې د ګډون لپاره چین ته راغلی ولیدل.
شي جین پینګ له مودي سره په خپلو خبرو کې وویل، سږ کال د چین او هند ترمنځ د ډیپلوماتیکو اړیکو د ټینګېدو له ۷۵مې کلیزې سره برابر دی او دواړه خواوې باید د چین او هند اړیکې د ستراتیژیک او اوږدمهاله منظر څخه بررسي او مدیریت کړي.
ده زیاته کړه چې لومړی باید دواړه هېوادونه ستراتیژیکې اړیکې پیاوړې کړي او متقابل باور ژور کړي. دوهم باید د ګډو ګټو د ترلاسه کولو لپاره خپلمنځي تبادلې او همکارۍ پراخې کړي. درېیم باید د یو بل اندیښنې په پام کې ونیسي او همغږي ګډ ژوند ته ژمن و اوسي. څلورم باید څو اړخیزه همکاري پیاوړې کړي او ګډې ګټې خوندي کړي.
مودي هم په دې لیدنه کې وویل، هند او چین همکاران دي، نه سیالان، او د دواړو خواوو ترمنځ هغه ټکي چې توافق ورباندې لري ډېر دي نسبت اختلافاتي ټکیو ته. ده زیاته کړه چې هند غواړي دوه اړخیزو اړیکو ته له اوږدمهاله لید څخه وګوري او پرمختګ ورکړي.
