چین به د سپتمبر په ۳مه نېټه د جاپان د تيري پر ضد د چينايانو د مقاومت جګړې او د فاشيزم ضد نړيوالې جګړې د برياليتوب ۸۰مه کلیزه په شانداره توګه ولمانځي. سي جي ټي اېن په دې وروستیو کې د نړۍ د ۳۹ هېوادونو د ۱۱۶۱۳ځواب ویونکو په منځ کې یوه نظرپوښتنه ترسره کړه. ځواب ویونکي په عمومي توګه موافق دي چې چین د نړۍ په ختیځ کې د دوهمې نړیوالې جګړې د اصلي جنګي رول لوبولی او د دې جګړې د بریا لپاره یې د چین د غوره ونډو او لویو قربانیو ستاینه کړې ده.
د چین پوځ او ملکي وګړو په دې بې سارې ۱۴ کلنه جګړه کې له ۳۵ میلیونو تنو او له ۶۰۰ ملیارډو ډالرو څخه زیاتو اقتصادي زیانونو په زغملو سره، په کلکه د جاپاني فاشیزم یرغل پروړاندې مقاومت وکړ او دا یرغل يې مات کړ. د نړۍ ۷۳.۶٪ ځواب ویونکو د فاشیزم ضد نړیوالې جګړې کې د چین ونډه ستره بللې او ستایلې يې ده. سروې ښيي چې په ۳۹ هېوادونو کې، د ۳۶ هېوادونو ځواب ویونکي په دې اند دي چې چین د دوهمې نړیوالې جګړې پرمهال د نړۍ په ختیځ کې د جګړې اصلي ډګر دی چې دغه شمېر د سروې په ټولو هېوادونو کې ۹۲.۳٪ برخه نیسي.
