د چين د خارجه وزارت وياند ګوه جيا کون د سپتمبر په ۲مې نېټې اعلان وکړ، چين به د ۲۰۲۵م کال د سپتمبر له ۱۵ مې نېټې څخه د ۲۰۲۶م کال د سپتمبر تر ۱۴ مې نېټې پورې د روسيې عام پاسپورټ لرونکو ته اجازه ورکړي چې له ويزې پرته چين ته سفر کولای شي. عام روسي پاسپورت لرونکي کولای شي چې په ۳۰ ورځو کې چین ته د سوداګرۍ، سېلانۍ، له خپلوانو او ملګرو سره د کتنې لپاره سفر وکړي او ټرانزیټ وکړي.
د ګوه جيا کون په وينا، د دواړو هېوادونو د مشرانو تر ستراتېژيکې لارښوونې لاندې د چين او روسيې اړیکې په لوړې سويې ساتل شوې دي. دی وايي چې چين له نورو هېوادونو سره د خلکو د تګ راتګ اسانتيا ته توجه زیاته کړې او هيله لري، چې د دواړو هېوادونو خلک اړيکې پياوړې کړي او د دواړو هېوادونو د نوې زمانې د ستراتېژيکو همکاريزو اړيکو لپاره خدمتونه وکړي.
نوموړي وويل:”د روسي ملګرو هرکلی کوو، هرکله دې راشي. “
