د جاپان د تېري پرضد د چينايانو د مقاومت جګړې او د فاشیزم ضد نړيوالې جګړې د برياليتوب د ۸۰ مې کلیزې د یادونې مېلمستيا د سپتمبر د ۳ مې نېټې د سهار په يوولسو نيمو بجو په بېجينګ کې ترسره شوه. د چين دولت رئیس شي جين پینګ په دغه مېلمستيا کې مهمه وينا وکړه او ويې ويل، د عدالت مفکوره نه بدلېږي، سولې ته د هیلې مخه څوک نشي نیولای او د خلکو ځواک نه ماتېږي.
هغه وویل: مونږ باید هر وخت د ټولو انسانانو ګډ ارزښتونه خپاره کړو او نړيوال عدالت او انصاف باید ټينګ وساتو، څو په نړۍ کې مثبته روحیه ټینګه او عدالت او روښانه راتلونکی تامین شي. ده زیاته کړه چې د سوله يیز پرمختګ پر لارې دې ټينګار وشي، په نړۍ کې دې سوله او امنیت ټینګ وساتل شي او د انسانانو د ګډ برخليک ټولنې د ابادۍ لپاره دې ګډې هڅې وشي. ده دغه راز وویل چې د خلکو هيلو او مشترکو ګټو ته باید ډېره توجه وکړل شي او د خلکو د ښېرازۍ لپاره دې نه ستومانه کېدونکي کوښښونه وشي.
شي جین پینګ زياته کړه: چيني شکله عصريتوب د سوله يیز پرمختګ پر اساس دی او چين به تل د نړيوالې سولې، ثبات او پرمختګ هڅوونکی ځواک واوسي. هغه وویل: مونږ صميمانه هيله لرو چې بېلابېل هېوادونه له تاريخ څخه تجربه واخلي، سولې ته ارزښت ورکړي او د نړۍ د عصري کېدو او د انسانانو د لاښه راتلونکي د جوړولو لپاره ګډې هڅې وکړي.
يادې مېلمستيا ته د یو شمېر هېوادونو هغه مشران، لوړپوړي استازي، د نړيوالو سازمانونو مسئولين، پخواني سياستوال، په چين کې بهرني ډيپلوماټان او د نړيوالو سازمانونو استازي، او همدارنګه د چين د مبارزې د بريا لپاره خدمت کوونکي بهرنيان او د بهرنيو قربانيانو خپلوان را بلل شوي دي، چې د جاپان د تېري پرضد د چينايانو د مقاومت جګړې او د فاشیزم ضد نړيوالې جګړې د برياليتوب د ۸۰ مې کلیزې د یادونې په فعاليتونو کې د ګډون لپاره چين ته راغلي دي.
