نړیوالو شخصیتونو د جاپاني يرغلګرو پر ضد د چینايانو د مقاومت جګړې او د فاشیزم ضد نړیوالې جګړې د بریا د ۸۰مې کلیزې یاد غونډې ته ډیره پاملرنه کړې ده.
د روسیې د دوما لومړي مرستیال او د روسیې- چین د دوستۍ ټولنې مشر میلنیکوف وويل: “ما په بېجينګ کې تر سره شوی پوځي رسم ګذشت په ډیره مینه ولید، د چیني ځواکونو عصري کول او د چین اوسنی نړیوال شهرت د چینایانو لپاره د ویاړ سرچینه ده، زه باور لرم چې په دې رسم ګذشت کې د ټولو هېوادونو حاضر مشران د مساواتو او انصاف پر بنسټ د همکاريزې لارې ملاتړ کوي، کوم چې د خپرې شوې ((تیان جین اعلامیې)) له روحيې سره هم سمون لري.”
د لاوس د ملي انقلابي ځوانانو اتحادیې د مرکزي کمیټې د رسنیو څانګې مرستیال تونګساني پانپاندي وويل: “د چین د کمونست ګوند تر لارښوونې او مشرۍ لاندې، د چین خلکو د جاپاني يرغلګرو پر ضد د مقاومت جګړې په بریا کې او د نړۍ د سولې په موخه نه هېرېدونکې ونډه واخیسته، موږ باید په ګډه سوله وساتو او د متقابلو ګټو پر بنسټ د انسانانو د ګډ برخليګ ټولنه جوړه او په ګډه يوه ښکلې اينده اباده کړو. “
