د سپتمبر ۳مه نېټه د ټولو انسانانو د يادونې وړ مهمه ورځ ده. چينايانو اتيا کاله دمخه يانې د ۱۹۴۵ کال په همدې ورځ د جاپان د تېري پر ضد د مقاومت جګړه وګټله او په دغه ۱۴کلنه جګړه کې يې څه باندې ۳۵ ميليونه پوځيان او ملکي خلکو ژوندونه له لاسه ورکړي دي او مستقيم او غير مستقيم اقتصادي زيانونه يې له ۶۰۰ميليارډو ډالرو څخه اوښتي دي. د چين حکومت د ۲۰۲۵ کال د سپتمبر په ۳مه نېټه د دغې تاريخي ورځې د يادونې په پار شانداره مراسم تر سره کړل . د چين د دولت رئيس شي جين پينګ دغو مراسمو ته يوه مهمه وينا وکړه او د خپلو ځواکونو معاينه يې وکړه. ۶۱ تنو بهرنيو مشرانو، حکومتي استازيو، د نړيوالو سازمانونو مسؤلينو او پخوانيو سياستوالو په بلنې سره په دغه مهمه پېښه کې ګډون کړی دی.
د چين د دولت رئيس شي جين پينګ د خپلې وينا په ترڅ کې د جاپان د تېري پر ضد د چينايانو مقاومت جګړه د فاشيزم ضد د نړيوالې جګړې يوه مهمه تشکيلاتي برخه وبلله او ويلي يې دي چې چينايانو په خپلې سترې قربانۍ د انساني تمدن او نړيوالې سولې ساتو ته مهم خدمتونه کړي دي. هغه د جاپان د تېري پر ضد د چينايانو مقاومت جګړې تاريخي ارزښت بيان کړ او دا خبره يې تکرار کړې، چينايان چې د تاريخ پر سم لوري او د انساني تمدن د ترقۍ په خوا کې ټينګ ولاړ دي، نيت لري د مختلفو هېوادونو له خلکو سره د انسانانو ګډ برخليک ټولنه په ګډه اباده کړي.
زياتو ګډون کوونکو بهرنيو مشرانو دا مراسم په زړه پورې او د ستاينې وړ بللي او په دې نظر دي چې دا له دوستۍ څخه ډکه او تاريخي اهميت لرونکې يادغونډه ده.
د چين د دولت رئيس شي جين پينګ بيا د سپتمبر د ۳مې نېټې په غرمه کې د جاپان د تېري ضد د چينايانو مقاومت جګړې او د فاشيزم ضد نړيوالې جګړې د برياليتوب ۸۰مې کليزې د يادونې په مېلمستيا کې څرګنده کړه، تاريخي واقعيتونو دا را زده کړي چې پر عدالت باور باید بدل نه شي، سولې ته د هيلې مخه بايد ونه نيول شي او ولسي ځواک ته ماتې نه ورکول کېږي. دا خبره خلکو ته باور او ځواک برابروي چې له تاريخي درسونو زده کړې وکړي، منطقي انتخاب غوره کړي او په ګډه ښکلی راتلونکی اباد کړي.
نړۍ سولې ته اړتیا لري، نه جګړې ته. د سولې او امنيت په موضوعاتو کې چين د نړۍ تر ټولو ښه ريکارډ او تاريخ ثبت کړی دی. د نوي چين له جوړېدو راهيسې دې هېواد هېڅکله کومه جګړه نه ده پارولې، هېڅکله يې پر نورو تېری نه دی کړی، يوازينی لوی هېواد دی چې د سوله ييز پرمختګ نظريه يې په خپل اساسي قانون کې شامل کړې او د ملګرو ملتونو د امنيت شورا هغه دايمي غړی دی چې سوله ساتو عملياتو ته يې تر ټولو زيات پوځيان لېږلي دي. د روسيې د علومو اکاډمۍ د چين او معاصرې اسيا څېړنيز مرکز مشر کيرير بابايف سي ايم جي ته ويلي، چين د سولې ارزښتونو او د مختلفو هېوادونو ګټو ته د مساواتو پر اساس پوره درناوی لري.
نړۍ ډيالوګ ته اړتيا لري، نه مقاومت ته. چين د امنيت شورا د دايمي غړي په توګه پر نړيوال عدالت او مساواتو ټينګار کوي او له يواړخيزم او بادارۍ سره مخالف دی. د چين د نظريې له مخې ، د ملګرو ملتونو په محور جوړ نړيوال سيستم د دوهمې نړيوالې جګړې مهمه لاسته راوړنه ده چې تر دې نړيوالې جګړې وروسته يې د نړۍ عمومي سوله تامين کړې او د ټولې نړۍ پرمختګ او ترقي يې پرمخبيولې ده، نو دا سيستم بايد ټينګ وساتل شي.
نړۍ ګډ برياليتوب ته اړتيا لري، نه زيرو-سم لوبې ته. چين د نړۍ د دوهم لوی اقتصاد په توګه د لوړې سويې پر ورخلاصون ټينګار لري او د سوداګرۍ او پانګونې د اسانه کېدو بهير پر لوري خپل ټینګ ګامونه پورته کوي.
د تاريخ تر ټولو اغېزمنه يادونه د نوي تاريخ جوړول دي. د بريا تر ټولو ښه ميراث د نوې بريا پر لوري ګامونه پورته کول دي. اوس چين د چيني شکله عصريتوب په پرمخبيولو سره د يو ځواکمن هېواد د جوړولو او د ملت د بيا سمسورتيا د پوره کولو هڅه کوي. دا نه يوازې نيکمرغه ژوند ته د چينايانو روښانه لار ده، بلکې د نړيوالې سولې او پرمختګ د پرمخبيولو عادلانه لار هم ده.
