د چين د کمونېست ګوند د مرکزي کمېټې د سياسي بيورو غړي او د بهرنيو چارو وزير وانګ يي د سپتمبر په څلورمه په بېجينګ کې د برازيل د ولسمشر له ځانګړي سلاکار سيلسو اموريم سره وکتل.
وانګ يي په دې کتنه کې وويل، چې د چين او برازيل د مشرانو تر ستراتېژيکې لارښوونې لاندې د دواړو هېوادونو ترمنځ اړيکې په پرله پسې توګه نوې سويې ته پورته شوې دي.
ده وويل، دواړه خواوې دې په ټينګار سره د لاعادلانه او دواملرونکې کرې د جوړولو لپاره ګډ کار وکړي او پر دې اساس دې د دواړو هېوادونو د ګډ برخليک ټولنه اباده کړي او د سراسري جنوب د يووالي او ځان بسياينې مثال دې وګرځي.
هغه زياته کړه چې چین غواړي له برازيل سره د مهمو مسئلو په اړه د بريکس هېوادونو د ګډو دريځونو په رامنځته کولو کې ګډې هڅې وکړي.
سيلسو اموريم په دې کتنه کې له وانګ يي څخه غوښتي، چې د چين دولت رئیس شي جین پينګ ته د برازیل د ولسمشر رولا پیغام وسپاري.
نوموړي د چین له لوري د جاپان د تېري پرضد د چينايانو د مقاومت جګړې او د فاشيزم نړيوالې جګړې د بريا د ۸۰مې کلیزې د یادونې فعاليتونو د ترسره کېدو په پار مبارکي وويله.
ده دغه راز د نړۍ د مديريت په اړه د چيني لوري نوښت ارزښتناک بللی او ويل يې دي، چې هېواد يې غواړي له چيني لوري سره په ګډه څواړخيزم وساتي.
