د افغانستان له زلزله ځپلو سره د چين حکومت د مرستو لومړۍ جوپه د سپتمبر په ۷مه نېټه کابل ته رسېدلې ده.
دغه مرستندويه توکي، چې د خیمو او فرشونو په شمول بېړني توکي پکې شامل دي، د چین د هوايي ځواکونو د دوو یون-۲۰ نمبر الوتکو په وسیله کابل ته ليږل شوي دي.
په افغانستان کې د چين د سفارت شارژدافیر باو شو هوې، د افغان حکومت د کليو پراختيا او بیا رغونې وزارت مرستيال مولوي شرف الدین مسلم او د دغه هېواد د بهرنيو چارو وزارت او د طبيعي پېښو پروړاندې د چمتووالي وزارت چارواکو او د سرې مياشتې ټولنې استازو د مرستندويه توکو د سپارلو په مراسمو کې ګډون کړی.
باو شو هوې ويلي، چې په افغانستان کې وروستۍ زلزلې سخت ځاني او مالي زيانونه رامنځته کړي او دا چې د چين حکومت د زلزله ځپلو سيمو له خلکو سره د مرستو لپاره پر وخت له افغانستان سره د مرستو پرېکړه کړې، د چينايانو او افغانانو ترمنځ ژوره دوستي ثابتوي. ده باور څرګنده کړ، چې زلزله ځپلي افغانان به د حکومت تر لارښوونې لاندې ژر ستونزې لرې کړي او خپل ړنګ شوي کورونه بيا اباد کړي.
ښاغلي مسلم ويلي، چې د زلزلې له پېښېدو وروسته د چين د حکومت د مرستو لومړۍ جوپه ژر کابل ته رسېدلې او دا له زلزله ځپلو افغانانو ډېر ملاتړ دی. ده زياته کړې، چې د افغانستان مشران د چين د دغه ارزښتناک ملاتړ مننه کوي او افغان لوری به د چينايانو او افغانانو ترمنځ دوستي هېڅکله هېره نه کړي.
