د چین د بهرنیو چارو وزارت ویاند لین جیان د سپتمبر په ۸مه نېټه وویل، چین د افغانستان د زلزله ځپلو سيمو وضعيت ته پاملرنه کوي او غواړي له افغانستان سره د اوسنیو ستونزو په لرې کولو او دغه راز زلزله ځپلو سیمو ته د ژر تر ژره مختلفو مرستو په رسولو کې مرسته وکړي.
لین جیان وویل، د چين حکومت افغانستان ته د ۵۰ ميليونو يوانو په ارزښت د بیړنۍ بشري مرستې ورکولو اعلان کړی چې پکې خيمې، کمپلې، د باران ضد جامې، خواړه او نور عاجل توکي شامل دي. ده ویلي چې د مرستې لومړۍ جوپه د سپتمبر په اوومه نېټه د الوتکو له لارې کابل ته ورسېده او نورې جوپې به هم په دې ورځو کې په ترتیب سره ورسېږي.
په کابل کې د چين سفارت، په دغه هېواد کې مېشتو چيني تصدیو او اشخاصو هم له افغان زلزله ځپلو سره د نغدو پيسو او توکو او دغه راز د چين د سره صليب ټولنې هم د افغانستان له سرې میاشتې ټولنې سره د نغدو مرستو مرسته کړې ده.
