د چين د دولتي شورا مطبوعاتي دفتر په یوه خبري ناسته کې د سپتمبر په ۹مه نېټه په لوړ کیفیت د څوارلسم پنځه کلن پلان د تطبيق پایلې بیان کړې. د دغه هېواد د صنعت او معلوماتي ټېکنالوژۍ وزارت یوه چارواکي په دې ناسته کې خبريالانو ته د نوي ډول صنعتي کېدو مهم برياليتوبونه بیان کړل.
ده وویل چې له تېرو پنځو کلونو راهيسې، د چين صنعتي اقتصاد ثابت او سالم پرمختګ موندلی. د چين د صنعت سکتور د زياتوالي اندازه په ۲۰۲۰م کال کې ۳۱۳۰۰ ميليارډه يوانه وه او تر ۲۰۲۴م کال پورې ۴۰۵۰۰ ميليارډو يوانو ته لوړه شوه. د نړيوال توليدي صنعت د پرمختګ لپاره د چين د خدمت انډول له ۳۰ سلنې څخه اوښتی دی.
بر سېره پر دې، د چين صنعتي چارو جوړښت ښه شوی دی. له ۲۰۲۰م کال څخه تر ۲۰۲۴م کال پورې د چين د تجهيزاتو او ماشينونو د توليدي صنعيت د زياتوالي کلنۍ اندازه او د لوړې ټېکنالوژۍ د توليدي صنعت د زياتوالي کلنۍ اندازه په جلا جلا توګه ۷ اعشاريه ۹ سلنه او ۸ اعشاريه ۷ سلنه وه. په چين کې د هېواد په کچه د زرغونو فابريکو شمېر ۶۴۳۰ ته رسېدلی دی.
