۸۰ کاله مخکې دوو ویرانونکو نړیوالو جګړو د نړیوالې ټولنې تند غبرګونونه راوپارول او دا د ملګرو ملتونو سازمان د جوړېدو او په نړیواله حکومتولۍ کې د نوي فصل د پيلېدو لامل شوې.
اتیا کاله وروسته د سولې، پرمختګ، همکارۍ او ګټې- ګټې مسير کې بدلون نه دی راغلی او همداسې باقي پاتې دی.
خو د سړې جګړې د مفکورې، د بادارۍ غوښتنې او پروټيکشنيزم منفي اغېزې دوام درلودلی او نړۍ د ناآرامۍ او بدلون نوې مرحلې ته داخله شوې ده، چې له دې امله د نړيوال مديريت مسیر له تقاطع سره مخ شوی دی.
د چين د دولت رئيس شي جين پينګ په دې وروستيو کې د شانګهای همکارۍ سازمان په تيان جين سرمشریزه کې د نړيوال مديريت وړانديز وکړ او له دې لارې يې د متزلزلې نړۍ د مديريت لپاره یو مفهومي چوکاټ او عملي راهنما وړاندې کړه.
د نړيوال مديريت ابتکار په مستقیم ډول د نړيوال نظم ستونزې او معضلې په ډاګه کړې او د مديريت داسې نمونوي لار يې رامنځته کړې، چې بنسټ يې د ملي حاکميت برابري، اصل يې د نړيوالو قوانينو صلاحيت، مسير يې څواړخيزم، موخه يې د خلکو ښېګڼې او ضمانت يې عملي کېدوونکې همکارۍ دي. دغه وړانديز د ګډو مشورو، ګډې ابادۍ او ګډو ګټو اصول عملي کېدوونکي ميکانيزم ته برابر کړي دي.
۱. د نړيوال مديريت ابتکاري وړاندیز د ملي حاکميت پر برابرۍ ټينګار کوي. د نړيوال مديريت وړانديز د مختلفو هېوادونو پر وړاندې د حقونو، فرصتونو او مقرراتو برابري غواړي او له ظالمانه مديريت او د ځواکمنو هېوادونو له امتيازاتو سره مخالفت کوي. دغه نوښت د پرمختيايي هېوادونو او منځنيو او کوچنيو هېوادونو د حقونو د ساتلو لپاره د عدالت او ميکانيزم ملاتړ برابرولی شي او موخه يې د ځنګل د هغه قانون بدلون دی، چې يوازې ځواکمن لوری د خبرو حق لري.
۲. د نړيوال مديريت وړانديز له نړيوالې ټولنې څخه د نړيوالو قوانينو مراعاتول غوښتي. ځينې هېوادونه نړيوال قوانين د ډوډۍ د مينو په توګه ګڼي، چې يوازې خپله خوښه برخه تطبيقوي، ان خپل کورني مقررات پر نورو هېوادونو ټپي.
د نړيوال مديريت وړانديز د يادو ناسمو کړنو پر ضد پر دې ټينګار کوي، چې نړيواله ټولنه بايد په هراړخيزه او بشپړه توګه د ملګرو ملتونو منشور عملي کړي، د نړيوال مديريت د مقرراتو صلاحيت دې ډاډمن کړي او د ټولو هېوادونو لپاره دې برابر او ثابت نړيوال چاپيريال جوړ کړي.
۳. د نړيوال مديريت وړانديز د څواړخيزم پيروي کوي. د دې وضعيت پر وړاندې چې له لاسليک شویو تړونونو څخه د وتلو او د شويو ژمنو د ماتولو پېښې بيا بيا رامنځته شوې، د نړيوال مديريت ابتکاري وړاندیز د ملګرو ملتونو پر محور نړيوال سيسټم او د نړيوالو قوانينو پر بنسټ جوړ شوي نړيوال نظم د ساتلو بیرغ اوچت کړی. دغه نوښت د ګډو مشورو، ګډې ابادۍ او ګډو ګټو پر اصولو ټينګارکوي، له هر ډول يواړخيزم او پروټيکشنيزم سره مخالفت کوي او د اصلاحاتو له لارې د نړيوال مديريت سيسټم بشپړول غواړي.
۴. د نړيوال مديريت وړانديز خلکو ته لومړيتوب ورکړی. دغه نوښت په ټولو چارو کې خلک محوره دی او خلکو ته لومړیتوب ورکوي او پر دې ټينګار کوي، چې د مديريت اخري موخه د ټولو انسانانو د ښېګڼو زياتوالی دی، نه د کمو هېوادونو يا کړيو لپاره خدمت. دغه نوښت د پرمختګ د برياليتوبونو شريکول، د اقتصادي فاصلو کموالی او له ګډو ننګونو سره مبارزه غواړي.
۵. د نړيوال مديريت وړانديز پر اقداماتو تمرکز دی. دغه نوښت له تشو خبرو سره مخالفت کوي، پر سيسټماتيکو پلانونو او عملي کېدوونکو همکاريو ټينګار کوي او د ژمنو پر ځای پر عملي اقداماتو ټینګار کوي او د يو پر بل پسې همکاريزو پروژو له لارې د مشخصو مسئلو حل و فصل غواړي، تر څو د بېلا بېلو هېوادونو خلک له نړيوال مديريت څخه رښتينې ګټې واخلي او پر څواړخيزم يې باور پياوړی شي.
د نړيوال مديريت وړانديز، د نړيوال پرمختګ وړانديز، د نړيوال امنيت وړانديز او د نړيوال تمدن وړاندیز له مطرحېدو وروسته د چين يو بل مهم نوښت دی. د نړيوال پرمختګ وړانديز د پرمختګ د نړيوالو همکاريو پر هڅولو تمرکز کوي، د نړيوال امنيت وړانديز د خبرو اترو او سلامشورو له لارې د نړيوالو شخړو حلولو ته پاملرنه کوي، د نړيوال تمدن وړانديز د مختلفو تمدنونو ترمنځ د تبادلو او متقابلو زده کړو د پياوړتيا لپاره دی او د نړيوال مديريت وړانديز دغه راز د مديريت د نړيوال سيسټم او ميکانيزم د اصلاحاتو لوری، اصول او مسير ټاکلي دي. نوموړي څلور وړانديزونه په نړيوالو چارو کې د ګډون لپاره د يوه لوی هېواد په توګه د چين د دندو د پلي کولو بشپړ چوکاټ جوړوي او ناآرامې نړۍ ته ثابت او مثبت ځواک ورکوي.
د نړيوال مديريت وړانديز د نړيوال نظم په اصلاح او بشپړوالي کې رول لرلی شي. دغه نوښت هېوادونه له جيوپوليټيکو سياليو څخه ازادوي او په نوې زمانه کې د نړيوال مديريت د لا عادلانه او معقول سيسټم په ابادۍ کې ترې د پرانيستي او ټولشموله عام محصول په توګه استفاده کېدای شي . دغه نوښت نه يوازې د نيکو هيلو او ښکلې راتلونکې تصوير پنځولی، بلکې د عملي کېدوونکي مسير له لارې د مديريت سيسټم د اصلاحاتو د پياوړتيا په هڅه کې دی.
