د چین د موټرو صنعت ټولنې د سپتمبر په ۱۱مه نېټه تازه شمېره خپره کړې او ښيي، چې د ۲۰۲۵م کال د جنورۍ څخه تر اګست پورې، په دغه هېواد کې په ټولیز ډول ۲۱ میلیونه او ۵۱ زره موټر تولید شوي او ۲۱ میلیونه او ۱۲۸ زره موټر پلورل شوي دي، چې د تېر کال د همدې مودې په پرتله یې رقم په جلا جلا توګه ۱۲ عشاریه ۷ سلنه او ۱۲ عشاریه ۶ سلنه لوړ شوی دی. د لومړیو اوو میاشتو په پرتله، د تولید د ودې کچه ثابته پاتې شوې، خو د پلور د ودې کچه ۰.۶ سلنه لوړه شوې ده.
سږ کال په لومړیو اته میاشتو کې د نوې انرژۍ موټرو تولیدي اندازه ۹ میلیونو او ۶۳۵ زرو ته رسېدلې او د پلور رقم یې ۹ میلیونه او ۶۲۰ زره و، چې د تېر کال د همدې مودې په پرتله د تولید کچه ۳۷ عشاریه ۳ سلنه او د پلور کچه ۳۶ عشاریه ۷ سلنه لوړه شوې ده. د نوې انرژۍ د موټرو د پلور شمېر د ټولو موټرو د پلور په اندازه کې ۴۵ عشاریه ۵ سلنه برخه جوړوي.
