د بیجینګ د شیانګ شان دولسم فورم مطبوعاتي غونډه د سپتمبر په ۱۱مه نېټه په بیجینګ کې ترسره شوه. د دې غونډې د معلوماتو له مخې، سږنی فورم به د دې میاشتې له ۱۷مې څخه تر ۱۹مې پورې د بیجینګ نړیوال کنفرانس مرکز کې ترسره شي. د فورم موضوع د نړیوال نظم ګډه ساتنه او د سولې او پرمختګ ګډه هڅونه ده. په فورم کې ډول ډول غونډې او فعالیتونه شته چې پکې به ۴ عمومي ناستې، ۸ فرعي ناستې او بېلابېل مباحثوي او د نظر تبادلې فعالیتونه شامل وي. د پرمختللو هېوادونو، د نويو مخ پر ودې هېوادونو، متوسطو او کوچنيو هېوادونو او په جنګي سیمو کې ښکیلو هېوادونو استازي به په دې فورم کې ګډون وکړي.
تر اوسه د فورم د ترسره کولو لپاره ټول اساسي مقدمات بشپړ شوي دي. له ۱۰۰ څخه د زیاتو هېوادونو د دفاع وزارتونو او پوځ مشرانو او همدارنګه د نړیوالو او سیمهییزو سازمانونو استازو په دې کنفرانس کې خپل ګډون تائيد کړی دی. د غونډې استازو، څارونکو او د رسنیو خبریالانو په شمول شاوخوا ۱۸۰۰ تنه د ګډون لپاره ثبت شوي دي.
