شي جين پينګ او د سویس فډرالي رئیسې کیلر سوټر د سپتمبر په ۱۴ مه نېټه د دواړو هېوادونو د ډیپلوماټیکو اړیکو د ټینګېدو د ۷۵ مې کلیزې په مناسبت یو بل ته د مبارکۍ پیغامونه واستول.
شي جين پينګ په پیغام کې په ډاګه کړه چې چين او سویس بېلابېل ټولنيز نظامونه لري او د پرمختګ په مختلفوپړاوونو کې دي، په داسې حال کې د دواړو هېوادونو ترمنځ دوستانه همکاري یوه بېلګه ده. دی وايي: زه د چین اوسویس د اړیکو پرمختګ ته په ډېره درنه سترګه ګورم او غواړم له رئیسې کیلر سوټر سره په ګډه کار وکړم چې د دواړو هېوادونو د ډیپلوماټیکو اړیکو د ټینګېدو د ۷۵ کلیزې په مناسبت خپلمنځي اقتصادي، سوداګریزې او مالي همکارۍ او کولتوري تبادلې پياوړې کړو.
کیلر سوټر په پيغام کې لیکلي چې سویس غواړي له چین سره تبادلې او همکارۍ ته دوام ورکړي او د دواړو هېوادونو ترمنځ اوږدمهاله ملګرتیا ته وده ورکړي.
