د چین د مخابراتي تصدیو ټولنې د سپتمبر په ۱۵مه نېټه د یوې اعلاميې په خپرولو سره د امریکا د اړوندو محصولاتو او اقداماتو په اړه د چین د سوداګرۍ وزارت د پلټنې له پيلېدو ملاتړ وکړ .
د اعلاميې بشپړ متن په لاندې ډول دی:
د چين ولسي جمهوريت د سوداګرۍ وزارت د سپتمبر په ۱۳مه يوه اعلامیه خپره کړه او پرېکړه يې وکړه چې له امريکا څخه د وارداتي انالوګ چپس اړوند محصولاتو او اجناسو د ارزان خرڅلاو پرضد پلټنه پيل کړي او همدارنګه د Integrated Circuit (IC)په اړه د چیني تصدیو پر وړاندې د امريکا له سپکاوي ډګو اقداماتو پلټنه پيل کړي . د چین د مخابراتي تصدیو ټولنې د دې پرېکړې ټينګ ملاتړ څرګند کړ او ټينګار يې وکړ چې د چين حکومت له قانون سره سم له اړينو اقداماتو بشپړ ملاتړ کوي، څو د چين د مخابراتي صنعت او د تصدیو مشروع حقوق خوندي شي.
امریکا له څه مودې راهيسې د ملي امنيت د ساتنې په پلمه د صادراتو د کنټرول او لاسوهنې په شمول یو لړ ګامونه پورته کړي او په «سيمي کنډکټور» او اړوندو برخو کې يې پر چين ناعادلانه محدوديتونه او بنديزونو لګولي دي. سرچینې ویلي چې دغه کړنې د چين د مخابراتي تصدیو د پرمختګ مشروع حقونه سخت زيانمن کړي او د نړیوال صنعت او عرضې ځنځير ثبات او امنيت ته يې زيان رسولی دی نو فلهذا دوی د دې کړنو کلک مخالفت کوي.
