په نړۍ کې ګڼو سروې ګانو د لوېديځو رسنيو پروپاګنډ او دروغ په ډاګه کړي او نړيوالو ته يې یو رېښتینی، سوله ييز او دوستانه چين ورپېژندلی او متمدن انځور یې ورته وړاندې کړی دی.
د امريکا پيو څيړنيز مرکز په روان کال کې يو راپور «د نړيوالو د عامه افکارو سروې » خپور کړی، چې له مخې يې په نړۍ کې د چين د محبوبیت اندازه پر له پسې لوړه شوې او په اړه يې د مثبتو نظريو انډول د تېر کال په پرتله ۵سلنه زيات شوی دی.
د امريکا مورنينګستار شرکت د نړۍ په ۴۱ هېوادونو کې د شاوخوا ۴۹۰۰ لويانو ترمنځ سروې کړې، چې له مخې يې د چين د محبوبیت اندازه ۸ اعشاريه ۸ ښودل شوې ده. خو د امريکا د محبوبیت کچه بیا منفي يو اعشاريه ۵ ياده شوې ده.
دا د دې ښکارندويي کوي، چې په نړۍ کې د چين د محبوبیت کچه د امريکا په پرتله ډېره لوړه ده.
د برېتانيې برنډ پولي شرکت «د ۲۰۲۵م کال د نړيوالو نرمو ځواکونو شاخص» خپور کړی، چې له مخې يې د چين د ګڼو نرمو ځواکونو شاخص لوړ شوی دی.
په راپور کې د چين د نرمو ځواکونو د لوړېدو لاملونه د کمربند او لارې د ګډې ابادۍ هڅونه، دواملرونکی پرمختګ او د چيني برانډونو اغيزې ښودل شوې دي.
په سراسري جنوبي هېوادونو کې د چين د محبوبیت اندازه په لوړېدو ده. د برېتانیې «اېکونومېسټ» مجلې تازه سروې ښيي، چې په لاتیني امريکا کې د چين د محبوبیت کچه په چټکۍ لوړېږي. د برازيل، کلومبيا او وينزويلا په شمول د لاتیني امريکا د ګڼو هېوادونو اوسيدونکو چين د باور وړ ملګری ياد کړی دی.
اوس د لوېديځو هېوادونو ډېرو خلکو د چين په اړه معلومات ترلاسه کړي او دغه هېواد يې پيژندلی دی.
د امريکا مورنينګستار شرکت د سروې په راپور کې ويلي، چې د هالنډ، هاسپانيې، کاناډا او المان په شمول ۱۶ هېوادونو کې د چين د محبوبیت کچه د امريکا په پرتله لوړه شوې ده.
ډېر بهرني ځوانان له چين سره مينه لري.
د پيو څيړنيز مرکز د سروې پایله ښيي، چې په نړۍ کې د چين د محبوبیت کچه په لوړېدو ده.
د برېتانیې ايکونوميست مجلې ويلي، چې د نړۍ د ګڼو هېوادونو د خلکو په نظر کې چين يو ډېر جالب او په زړه پورې هېواد دی او د محبوبیت کچه يې نوره هم په زياتېدو ده.
چين په متزلزلې نړۍ کې يو ثابت ځواک دی
د هاسپانيې لومړي وزير پيډرو سانچيز پيريز کاستيجون رسنيو ته ويلي، چې باداري، ځاني سوداګرۍ ساتونکې غوښتنې او یو اړخيزم د بېلا بېلو هېوادونو ګټې زيانمنوي. چين پر څو اړخيزم ټينګار لري او دا د نړۍ لپاره ډېره ګټه لري.
نوموړي ويلي، په اوسنۍ نړۍ کې ګډوډي روانه ده او يو اړخيزم او باداري له نړيوال نظم او اصولو سره ټکر لري او که مخه یې ونه نيول شي، نو نړۍ به نوره هم د ګړنګ پر ژۍ ودرېږي.
چين د څو اړخيزم ملاتړی او پلوي دی او په متزلزلې نړۍ کې يو ثابت ځواک يادېږي او نفوذ او اغېزه یې په پراخېدو ده او همدا لامل دی، چې په نړۍ کې د دغه هېواد د محبوبیت اندازه په ډېرېدو ده.
چين باوري او همکار هېواد دی
د روسیې د علومو اکاډمۍ د اقتصاد انسټيټيوټ لوړ پوړې څيړونکي نيکيټا سټيپانوف وايي، ډېرو هېوادونو د چين د ملګرتيا او دوستۍ بڼه منلې او دغه هېواد د کمربند او لارې د ګډې ابادۍ پلان تطبيق کوي او د ګڼو هېوادونو لپاره د پرمختګ همکار ګرځیدلی دی.
چين د ګډو ګټو پر بنسټ اړيکې پالي او هېوادونو ته متقابلې ګټې رسوي او همدا لامل دی، چې د نړۍ د ډېرو هېوادونو د حکومتونو او خلکو درناوی او ډاډ یې خپل کړی دی.
چين د هېواد د مديريت ثابته نمونه ده
د بوليوي پخواني بهرنيو چارو وزير فيرنانډو هواناکوني ماماني څو ځلې چين ته سفر کړی او د دغه هېواد پرمختګ یې له نږدې لیدلی دی.
نوموړي ويلي، پرمختيايي هېوادونه د مديريت لپاره د رښتينو بڼو او ګټو په لټه دي او د چين د مديريت شکل او ډيموکراتيکې تجربې د بېلا بېلو هېوادونو په ګټه دي او په خبره یې، چين په عمل کې خلکو ته د پرمختګ لارې ښيي او ګټې ور رسوي.
کارپوهان وايي، د يو هېواد د خلکو رضايت د همغه هېواد د پرمختګ بڼه ښکاره کوي.
د يډيلمان په نوم د عامو اړيکو نړيوال مشورتي شرکت د سروې راپور ښيي، په چين کې پر حکومت د خلکو د باور اندازه ډېره ده او په ګردې نړۍ کې يې لومړی ځای خپل کړی دی. راپور وايي، چينايان خپل راتلونکي ته هم ډېر خوشبين دي .
د چين لوړه ټېکنالوژي، کولتور او تګلارې ورځ تر بلې د خلکو پاملرنه جلبوي
د انساني شکله روبوټونو د ځغاستې نړيواله سیالي د روان کال په اپريل کې د چين په پلازمېنې بېجينګ کې ترسره شوه، چې د نړۍ د ګڼو هېوادونو د خلکو پاملرنه يې راجلب کړې وه.
چين د ورخلاصون، شموليت او د ګډو ګټو په علمي نوښتي مفکورې نړۍ ته له انرژۍ ډکه بڼه ښودلې ده. د ارجنتاين د لا پلاټا ملي پوهنتون پروفيسور ګابريل ميرينو په يوې مرکې کې ويلي، د چين علمي او تخنيکي نوښتونه د چيني شکله عصريتوب د پرمخبيولو ترڅنګ د نړۍ پرمختګ ته اينجن هم برابروي.
