چين له نړۍ سره د لوړې کچې د ورخلاصون د پياوړتيا، د پراختيايي فرصتونو د شريکولو او د پرانيستې، ټولشموليت، ګډو ګټو، برابرۍ او ګډ پرمختګ په لوري د اقتصاد نړيوال کېدو د هڅولو ژمنې کړي او د دغه هېواد دولت رئیس شي جين پينګ پرې بیا بیا ټينګار کړی او دغه هوډ يې نه بدلېدونکی بللی دی.
دغه ژمنې د انسانانو د ګډ برخليک ټولنې مفکوره او د يوه لوی هېواد او ګوند د مشر په توګه د شي جين پينګ نړيوال او دوراندېش نظر ښيي. د چين اقتصاد د شي جين پينګ د اقتصادي مفکورو تر لارښوونې لاندې د ډېرو ننګونو او ستونزو په لرې کولو سره پرمختګ موندلی او د پرانیستې او ګټې – ګټې طبیعت يې ښودلی دی.
– چين د اقتصاد د نړيوال کېدو پر سم لوري ټينګار لري او د نړيوال اقتصاد د دوامداره او ثابت پرمختګ لپاره يې مهم خدمتونه کړي دي.
چين د اقتصاد د نړيوال کېدو ګټه اخيستونکی او هم خدمت کوونکی، ساتونکی او هڅوونکی دی. په چين کې د اصلاحاتو او ورخلاصون له تطبيق راهيسې د دغه هېواد اقتصاد له نړۍ سره ژور پيوستون موندلی او په نړيوال اقتصادي پرمختګ کې يې د مهم انجين او لنګر رول لوبولی دی. د نړيوال اقتصاد په زياتوالي کې د چين اوږدمهاله خدمتي انډول ۳۰٪ پاتې شوی دی.
– چين د نړۍ د صنعتي او اکمالاتي ځنځير د انعطاف او ثبات د تامينولو لپاره ډېرې هڅې کړي او د نړيوال اقتصاد له سالم دوران څخه يې ملاتړ کړی دی.
چين په نړۍ کې يوازېنی هېواد دی، چې د ملګرو ملتونو د صنعتي طبقه بندۍ له مخې ټول صنعتي سکټورونه لري. چين د کرونا وبا د خپرېدو په موده کې د نړۍ د لومړی لوی توليدوونکي هېواد په توګه د نړيوال صنعتي ځنځير په ثابتولو کې مهم رول لوبولی او د دې وبا پر ضد د نړيوالې مبارزې او د نړيوال اقتصاد د بيا سمسورتيا لپاره يې ډېر خدمتونه کړي دي.
چين د صنعتي جوړښت د سمون او لوړوالي په رڼا کې په نړۍ کې تر ټولو لوی او بشپړ د انرژۍ صنعتي او اکمالاتي ځنځير جوړ کړی دی. په تېرې لسيزې کې د چين د هڅو له امله په نړۍ کې د باد او د لمريزې برېښنا د توليد منځني لګښتونه په جلا جلا توګه ۶۰٪ او ۸۰٪ ټيټوالی ښيي.
– چين د کمربند او لارې باکيفيته ګډې ابادۍ ته وده ورکړې او د نړيوالې ټولنې لپاره يې مهم همکاريز ډګر برابر کړی دی.
شي جين پينګ په ۲۰۱۳م کال کې د کمربند او لارې نوښت وړاندې کړی او اوس د دغې پروژې ګډه ابادي د نړيوالو همکاريو مهم پلټفورم ګرځېدلی دی، چې ساحه او پيمانه يې په نړۍ کې تر نورو پروژو ډېره او مخکښه ده.
د کمربند او لارې د ګډې ابادۍ په رڼا کې د چين – لاوس پټلۍ، د جاکارتا او باندونګ چټکه پټلۍ، چانکای بندر او د مغولستان – داخلي مغولستان پلټۍ په شمول يو شمېر سترې پروژې ترسره شوي او داسې مرکزي چوکاټ یې بشپړ شوی، چې پکې د نړيوالو اقتصادي همکاريو ۶ دهليزونه، د ۶ ډوله زېربناوو شبکه، د لومړنيو همکاريو يو شمېر برخوال هېوادونه او د سمندري همکاريو يو شمېر بندرونه شامل دي. د چين او اروپا ترمنځ له ۱۱۰ زرو زياتو باروړونکو اورګاډيو تګ راتګ کړی او څه باندې ۱۵۰ هېوادونو او ۳۰ نړيوالو سازمانونو له چين سره د کمربند او لارې د ګډې ابادۍ همکاريز سندونه لاسليک کړي دي. د ګډې ابادۍ په برخوالو هېوادونو کې د کرنې، تعليم، طبي خدماتو، د بېوزلۍ د کمولو، د اوبو لګولو او د طبیعي پېښو د مخنيوي په برخو کې ډېرې پروژې پلې شوي او ځايي خلکو ته يې ګټې رسولي دي.
– چين د لوړې کچې د ورخلاصون پر پياوړتيا ټينګار لري او نړۍ ته د ګډ پرمختګ پراخ فرصتونه برابروي.
چين پراخ بازارونه لري او دغه بارازونه یې د چټک پرمختګ په حال کې دي، چې هر کال نږدې ۵۰ زره ميليارډه يوانه مصارف او له ۲۰ زرو ميليارډو يوانو زيات واردات لري. چين په ابتکاري توګه واردات زيات کړي، له نورو هېوادونو سره د لويو بازارونو فرصتونه شريکوي، د هغو لږ پرمختللو هېوادونو پر ټولو توليداتو یې صفر ګمرکي تعرفې وضع کړي، چې له چين سره یې ډيپلوماټيکې اړيکې ټينګې کړې دي. بر سېره پر دې، چين په تېرو ۷ کلونو کې نړيوال وارداتي نندارتونونه ترسره کړي، چې پکې د لاسليک شويو تړونونو ارزښت يې له ۵۰۰ ميليارډو ډالرو څخه زيات دی.
د امريکا او چين د سوداګرۍ کمېټې د خپلو غړو ترمنځ نظرپوښتنې ترسره کړي، چې له مخې يې زياترو غړيو شرکتونو د چين بازارونه په نړۍ کې د سيالۍ قوت د خونديتوب لپاره اړين بللي دي. دغه نظر پوښتنې ښيي، چې د چين پرمختګ د نړۍ لپاره يوه تش په نوم ”جمله“ نه، بلکې يو ستر ګټور فرصت دی.
