د بسونو نړيوال نندارتون د اکتوبر له څلورمې نېټې څخه تر نهمې نېټې پورې د بلژيک په بروکسيل کې روان دی. د نړۍ شاوخوا ۵۵۰ نړیوالو تصديو د بسونو، ځيرکو ټرانسپورټي وسايلو او عصري بېټريو په شمول خپل يو لړ نوښتونه، د عامه ټرانسپورټ د برقي او ډيجيټلي کېدو نوي پرمختګونه نندارچيانو ته وړاندې کړي.
په دې نندارتون کې ۱۰۷ ترکي تصديو ګډون کړی چې شمېر يې د نورو هېوادونو د تصديو په پرتله زيات دی. څه باندې ۸۰ چينايي او ۶۸ الماني تصديو پکې ونډه اخيستې چې شمېرونه يې په ترتيب سره دويم او درېيم ځايونه نيولي دي.
د بسونو د نړيوالې جايزې ورکولو په سيالۍ کې د چين د يو تونګ په نوم بس تر ټولو غوره بس بلل شوی او شرکت يې جايزه تر لاسه کړې ده.
