د چين د کمونيست ګوند د مرکزي کمېټې د سياسي بيورو دايمي غړي او صدراعظم لي چیانګ د اکتوبر د ۱۱مې نېټې په سهار په پيونګ يانګ کې د ډيموکراتيکې کوريا د کارګر ګوند د سياسي بيورو د دايمي غړي او صدراعظم پاک تائه سانګ سره خبرې اترې وکړې.
لي چیانګ وویل، چې اوس مهال چين او ډيموکراتيکې کوريا دواړه د سوسياليستي چارو په ابادۍ بهیر کې روان دي. چين چمتو دی له ډيموکراتيکې کوريا سره د عملي همکارۍ نوي فرصتونه ومومي، څو د دواړو هېوادونو د پرمختګ لپاره نوې انرژي رامنځته کړي. هغه وويل، د نړيوالو حالاتو د پېچلتيا او ګډوډۍ پرمهال، دواړه خواوې بايد لا زيات يووالی او همکاري پياوړې کړي، د دواړو لوریو مشروع حقوق وساتي او د نړيوال عدالت ملاتړ وکړي.
پاک تائه سانګ وويل، د ډیموکراتیکې کوريا ګوند، حکومت او ولس له چين سره ژور او رښتيني دوستانه احساسات لري. د نه ماتېدونکو خپلمنځي اړيکو پياوړتيا د ډیموکراتیکې کوريا د ګوند او حکومت دريځ دی. هغه زياته کړه چې دواړه هېوادونه بايد څو اړخيزې همکارۍ پیاوړې کړي او د خپلو ګډو ګټو دفاع وکړي.
