د چين د تايوان سيمې مشر لای چينګ ده د اکتوبر په لسمه نېټه په یوه وینا کې د تاريخي مسئلو په اړه بې ځايه او پارونکې خبرې وکړې.
لای چينګ ده په خپله وينا کې د تايوان سيمې بېلتون غوښتنې ته د مشروعيت ورکولو لپاره د دوهمې نړيوالې جګړې د واقعيت او د ملګرو ملتونو د عمومي اسمبلې د ۲۷۵۸م نمبر پرېکړه ليک تحريف کړی. بر سېره پر دې، نوموړي د چين ستره برخه پوځي ګواښ بللی او ادعا يې کړې، چې د تايوان سيمې د دفاعي لګښتونو زياتوالی به دوام ولري او له ۲۰۳۰م کال مخکې به په جي ډي پي کې د دفاعي بوديجې ونډه ۵٪ ته ورسيږي.
د لای چينګ ده دغه بې ځايه وينا د تايوان ټاپو دننه له پراخو غندنو سره مخ شوې. د نوموړي وينا د جاپان په استعمار د تايوان سيمې ځپل تاريخ ته سترګې پټې کړې او د ده د خبرې پرضد عامه افکار راپارېدلي او د ده دغه کړنه يې د تاريخي واقعيت د پټولو هڅه بللې ده. د تايوان خبري رسنيو دا په ډاګه کړې، چې لای چينګ ده په دې وينا کې د تايوان تنګي د واړو غاړو مسئلې په اړه کلکې رويې ته دوام ورکړی او لا زيات دښمني احساسات يې ښودلی او د دې کړنې له لارې يې د امريکا د خوښۍ د تر لاسه کولو لپاره هڅه کړې.
ټولو ته معلومه ده، چې بېرته له چين سره د تايوان يو ځای کېدل د دوهمې نړيوالې جګړې د برياليتوب د لاسته راوړنو او له دې جګړې وروسته د نړيوال نظام يوه مهه برخه ده. د (( قاهرې اعلاميې )) د ((پوټستام اعلاميې)) او (( د جاپان تسليم نامې)) په شمول اغېزمنو نړيوالو اسنادو پر تايوان سيمې د چين ملي حاکميت تائيد کړی، چې دا کار د څرګند تاريخي او قانوني واقعيت پر بنسټ ولاړ دی. د ملګرو ملتونو د عمومي اسمبلې ۲۷۵۸م نمبر پرېکړه ليک، چې په ۱۹۷۱م کال کې تصويب شوی، په پوره او جدي توګه د يو چين پېژندنې اصل تاييد کړی، چې په نړۍ کې د چين يوازينی دولت شتون لري او تايوان د چين يوه برخه ده.
لای چينګ ده په خپله وينا کې د دوهمې نړيوالې جګړې د تاريخ او نوموړي پريکړه ليک تحريف کړی. د ده دغه کړنه ښيي، چې هغه د تاريخ خيانت کوونکی او د نړيوال نظام ويجاړوونکی دی.
لای چينګ ده د بهرني ګواښ په پلمه ادعا کړې، چې د تايوان د راتلونکي کال دفاعي بوديجه به د ناټو د معيار له مخې زياته شي او په جي ډي پي کې به له ۳٪ زياته برخه ونيسي او له ۲۰۳۰م کال مخکې په د جي ډي پي ۵٪ ته ورسيږي. اوسمهال د امريکا حکومت د پوځي لګښتونو د زياتوالي لپاره د ناټو پر نورو غړو هېوادونو د فشار لګولو په هڅه کې ده، خو د متحدینو یو شمېر هېوادونه ورسره همغوي نه غواړي. د لای چينګ ده دغه کړنې، چې د امريکا د خوښۍ لپاره د ناټو د معيار له مخې د تايوان د پوځي بوديجې زياتوالی غواړي، د غلامۍ بڼه په ډاګه کړی.
په دې وروستيو کې يوه امريکايي سياستوال ويلي، چې تايوان بايد دفاعي بوديجه د جي ډي پي ۱۰٪ ته لوړ کړي. د تايوان شنونکو ويلي، چې د تايوان د تېر کال د جي ډي پي په حساب، د جي ډي پي ۱۰٪ ته د پوځي لګښتونو لوړوالی په دې مانا دی، چې د کلنې بوديجې له ۸۰٪ زياته برخه به په دفاعي چارو کې ولګول شي او د طبي خدمتونو، تعليم، ټولنيزې ښېګڼې او کتلور په شمول نورې چارې به له بوديجې څخه محروم شي، اخرا به د لای چينګ ده بې ځايه کړنې د تايوان ۲۳ مليونو خلکو د ګټو په زيان تمام شي.
د لای چينګ ده خبرې او کړنې او د بهرنيو قوتونو لاسوهنه دا تاريخي او عدلي حقيقت نه شي بدلولای، چې تايوان د چين د خاورې يوه برخه ده او هم د چين د يووالي د ګامونو مخه نه شي نيولی. د لای چينګ ده بده پايله ټاکل شوې ده.
