د چین د کمونيست ګوند د سياسي بيورو غړي او د بهرنيو چارو وزير وانګ يي پر ځايي وخت د اکتوبر په ۱۰مه نېټه د سويس په بیلینزونا کې د دغه هېواد د بهرنيو چارو له وزير او فډرالي شورا له غړي او خارجه وزير اګنازيو کاسيس سره په يوه ګډه خبري ناسته کې ګډون وکړ. وانګ يي څرګنده کړه چې د چین او سویس د بهرنیو چارو وزیرانو د ستراتيژيکو خبرو څلورم پړاو مثبتې پایلې ترلاسه کړې دي.
وانګ يي وویل، چې چین او سویس موافقه وکړه چې خپلمنځي سياسي باور لا پياوړی کړي. ده زیاته کړه چې دواړو هېوادونو د ډیپلوماتیکو اړیکو له ټینګېدو راهیسې په تېرو پنځه اوياوو کلونو کې يو د بل په کورنيو چارو کې د نه لاسوهنې، یو د بل پرمختيايي لارې ته د درناوي، او د کوچنيو اختلافونو د ساتلو پر بنسټ د ګډو نظريو د لټون پر اصل ټينګار کوي او داسې دوستان دي چې په نړيوالو بدلونونو او چلینجونو کې یو پر بل باور ساتي.
نوموړي وویل، د چین او سویس اړيکې تل د چين او اروپايي هېوادونو تر منځ د همکارۍ نومونه دي. چين د سویس له هغې کلکې ژمنتيا ستاينه کوي چې د يو چين پېژندنې پر اصل ټينګار کوي او هيله لري چې سویس به د چين د خلکو د ملي يووالي د تاريخي آرمان له پوره کولو ملاتړ ته دوام ورکړي. ده وویل چې چین او سویس باید د نړيوالو حالاتو د ګډوډۍ او بدلون په اوسني پړاو کې د خپلو ډيپلوماتيکو اړيکو د پيل لومړنی نيت هېر نه کړي، د يو بل اساسي ګټو ته درناوی وکړي، د هېوادونو تر منځ د دوستانه همکارۍ د يوې بېلګې په توګه خپل رول ته دوام ورکړي.
