د چين دولت رئيس شي جين پينګ د اکتوبر په ۱۴مه نېټه په بېجينګ کې د خلکو په لوی تالار کې د سريلانکا له صدراعظمې هاريني امارسوريا سره وکتل.
امارسوريا د ښځو په نړيوالې سرمشريزې کې د ګډون لپاره چين ته راغلې ده.
شي جين پينګ په دې کتنه کې ویلي، چې چين تل له ګاونډيو هېوادونو سره اړيکو کې سريلانکا ته خورا ارزښت ورکوي او هيله لري، چې له سريلانکا سره د خپلمنځي عنعنوي دوستۍ د دوام، د ګټې – ګټې همکارۍ د پياوړتيا او د دواړو هېوادونو د ګډ برخليک ټولنې د ابادۍ لپاره ګډې هڅې وکړي او له دې لارې د دواړو هېوادونو خلکو ته ګټې ورسوي.
هغه وايي چې چين د ملي حاکميت، خپلواکۍ او ځمکنۍ بشپړتيا د ساتنې، د خپل مشخص وضعيت له مخې د پرمختيايي لارې د انتخاب، اقتصادي پرمختګ او د دولت د پياوړتيا په برخو کې د سريلانکا د هلو ځلو ملاتړ کوي. شي جین پينګ دغه راز وايي، چين هيله لري له سريلانکا سره په ګډه کمربند او لار په لوړ کیفیت ابادۍ ، بندري اقتصاد، عصري کرنې، ډيجيټلي اقتصاد، زرغون اقتصاد او سيلانۍ په برخو کې همکارۍ پياوړې کړي او د سريلانکا له اقتصادي او ټولنيز پرمختګ څخه ملاتړ وکړي.
امارسوريا رئيس شي جين پينګ ته د سريلانکا د ولسمشر انورا کومارا ديسناياک سلامونه او هيلې وړاندې کړې. دې د ښځو په نړيواله غونډه کې د شي جين پينګ وينا وستایله او هغه يې مهمه او ارزښتناکه وبلله.
دې دغه راز د ښځو د نړيوالو چارو په هڅولو کې د چين لارښوونکی رول هم ستایلی دی. هغې زياته کړه، چې سريلانکا له چين سره اړيکو ته په درنه سترګه ګوري، د يو چين پېژندنې پر اصل ټينګار کوي او د کمربند او لارې د باکيفيته ابادۍ ملاتړ کوي او پکې به فعال ګډون وکړي.
