د چين د دولت رئیس شي جين پينګ د اکتوبر په ۱۴ مه په بېجينګ کې د خلکو په لوی تالار کې د دومينيکا له ولسمشرې سيلواني بورټن سره وکتل.
سيلواني بورټن د ښځو نړيواله غونډه کې د ګډون لپاره بېجينګ ته راغلې ده.
شي جين پينګ په دې کتنه کې ویلي، چې دومينيکا په کارابين سيمه کې د چين ښه دوست او ښه ملګری دی، دواړه هېوادونه د خپلمنځي اړيکو د ټينګېدو له څه باندې ۲۰ کلونو راهیسې تل د متقابل درناوي او مساواتو پر اساس ولاړو اړیکو ټينګار لري.
ده زیاته کړې چې د دواړو هېوادونو خپلمنځي سياسي باور او په بېلابېلو برخو کې يې راشه درشه او ګډې همکارۍ په پرله پسې توګه زياتې شوې او د خلکو دوستي ورځ تر بلې ژوره شوې ده.
شي جین پينګ دغه راز ویلي چې د چین او دومینیکا د مختلفو نظامونو او مختلفو پيمانو لرونکو هېوادونو ترمنځ د دوستانه همکاريو یو ښه مثال جوړ کړی دی. ده زیاته کړې، چې چين غواړي له دومينيکا سره د ګډو هڅو له لارې خپلمنځي اړيکې پراخې او خلکو ته زیاتې ګټې ورسوي.
سيلواني بورټن هم په دې کتنه کې وويل، چې هېواد يې له چين سره د نظر توافق او غوښتنې لري او په وينا يې د دواړو هېوادونو ترمنځ د اړيکو ژورتيا د دغه هېواد د خلکو راتلونکی روښانه کوي. هغې زیاته کړه، چې دومينيکا د يوه چين پېژندنې پر اصل ټينګار لري او غواړي چې له چين سره په اقتصاد ، سوداګرۍ، کرنې، زرغون اقتصاد، صحت او له اقليمي بدلون سره د مقابلې په شمول زياتو برخو کې ګډې همکارۍ او کلتوري تبادلې زياتې کړي څو د دواړو هېوادونو ترمنځ د اړيکو نوی فصل وليکل شي.
