د ټولګټو چارو وزارت خبر ورکړی، چې د ۱۲ میلیونه ډالرو په ارزښت د اقینې ــ اندخوی د رېل پټلۍ دویم فاز د جوړولو چارې پیل شوې دي. د یاد وزارت د رېل پټلۍ مرستیال مولوي محمد اسحاق صاحبزاده ویلي، چې د اقینې ــ اندخوی رېل پټلۍ دویم فاز چې۱۰ کیلومتره اوږدوالی لري د جوړولو قرارداد یې له ترکمنستاني شرکت سره شوی دی. د نوموړي په خبره د دې رېل پټلۍ لومړی فاز چې ۳۰ کیلومتره اوږدوالی لري وړاندې بشپړ شوی او همداراز د اندخوی ــ جوزجان رېل پټلۍ د سروې ډیزاین د ۵۵ کیلومتره په اوږدوالي هم بشپړ شوی چې عملي چارې به یې ژر پیل شي.
ټولګټو وزارت: د اقینې ــ اندخوی د رېل پټلۍ دویم فاز جوړولو چارې پیل شوې
Get real time update about this post categories directly on your device, subscribe now.
- Trending
- Comments
- Latest
