د بې وسلې کولو په چارو کې د چين د استازي شن جيان د اکتوبر په ۱۷مه نېټه د ملګرو ملتونو د عمومي اسمبلۍ د لومړۍ کمېټې يوې ناستې ته ويلي، د نړيوال مديريت وړانديز د ذروي چارو د نړيوالې ادارې په مخ کې د شته ستونزو لرې کولو لپاره ستر ارزښت لري.
هغه څرګنده کړه، نړۍ اوس د بدلون او اصلاحاتو نوې زمانې ته ننوتلې ده او د ذروي چارو د نړيوالې ادارې پروړاندې د سياسي کېدو په شمول څو سترې ننګونې موجودې دي. ده زیاته کړه چې نړيواله ټولنه بايد په مشترکې، مجموعي، همکاريزې او دوام لرونکې امنيتي مفکورې په لرلو سره يو له بل سره لاسونه يو کړي، له ننګونو سره دې ګډه مقابله وکړي او نړيواله سوله او امنيت دې خوندي وساتي.
هغه پر دې ټينګار وکړ، مختلف هېوادونه بايد په رښتيا سره د ملي امنيت په ټګلارو کې د ذروي وسلو رول کم کړي، د غیر ذروي وسلو چارو په برخه کې دې نړيواله اجماع ټينګه وساتي او د هر هغه لوري سره دې ټنګ مخالفت وکړي چې غواړي ستراتيژيک ثبات خراب کړي.
