د چين د کمونېست ګوند مرکزي کمېټې د اګست په ۲۷مه نېټه په بېجينګ کې له غير کمونېستي شخصيتونو سره ناسته کړې او د هېواد د ملي اقتصاد او ټولنيز پرمختګ د ۱۵م پنځه کلن پلان په جوړولو کې د يادې مرکزي کمېټې د وړانديز په اړه یې د مختلفو ډيموکراتيکو ګوندونو د مرکزي کمېټو، د صنعت او تجارت د ملي ائتلافي ټولنې د مسؤلينو او غير ګوندي شخصيتونو نظريې او پيشنهادونه اوريدلي او اخيستي دي.
د چين کمونېست ګوند د مرکزي کمېټې عمومي منشي شي جين پينګ د دغې ناستې مشري او پکې مهمه وينا کړې ده. هغه ويلي، موږ بايد د ۱۵م پنځه کلن پلان په جوړولو کې د سوسياليستي عصريتوب د نسبتاً ترسره کېدو موخه وټاکو، کورني او بهرني حالات بايد په نظر کې ونيسو، د ساينس او ټکنالوژۍ په چارو کې د ځان بسياينې کچه بايد تر ډېره بريده لوړه کړو، د ټولو ګډه شتمني بايد وساتو او پرمخ يې بوځو او د ګوند، هېواد او د مختلفو قومونو په راپورته کولو سره بايد د ځواکمن هېواد د ابادولو او د ملت د لویې بیا سمسورتيا لپاره ګډې هڅې وکړو.
