د چين د کمونېست ګوند د شلمې دورې مرکزي کمېټې د اکتوبر په ۲۴مه د څلورمې عمومي غونډې په اړه مطبوعاتي ناسته ترسره کړې ده.
د چين د پرمختګ او اصلاحاتو ملي کمېټې ګوندي منشي او مشر جنګ شان جيه خبري رسنيو ته ويلي، چې د لویو هېوادونو اقتصاد عموماً د کورنيو اړتياوو پرمټ چلېږي او بازار د نننۍ نړۍ تر ټولو نايابه سرچينه ده او پیاوړی کورنی بازار د چيني شکله عصري کېدو ستراتېژيکه تکيه ده.
نوموړي ويلي، د چين د کمونېست ګوند مرکزي کمېټې د هېواد د اقتصادي او ټولنيز پرمختګ د پنځلسم پنځه کلن پلان د جوړولو په اړه وړاندیز کړی، چې د کورنيو اړتياوو د پراختيا پر ستراتېژۍ دې ټينګار وشي.
د کمونېست ګوند مرکزي کمېټې د درېيو برخو لپاره مهمې دندې هم ټاکلي او پر دې يې ټينګار کړی، چې په اقتصادي چارو کې باید د زياتوالي امکانات پراخ ، موثریت لوړ او دوران له خنډ پرته روان شي.
