د چين د کمونېست ګوند مرکزي کمېټې د اکتوبر په ۲۴مې نېټې په يوې خبري ناستې کې د دغه ګوند د شلمې مرکزي کمېټې د څلورمې عمومي غونډې د روحيې په اړه معلومات ورکړي دي.
(( د چين د اقتصادي او ټولنيز پرمختګ په تړاو د ۱۵م پنځه کلن پلان د جوړولو لپاره د چين د کمونېست ګوند د مرکزي کمېټې وړانديز)) په پنځلسو برخو ويشل شوی، چې ۶۱ مادې او درې لويې برخې لري.
د چين د کمونېست ګوند د مرکزي کمېټې د تګلارو د څېړنې دفتر مسؤل جيانګ جين چوان رسنيو ته ويلي، چې د دغه وړانديز لومړۍ لویه برخه عمومي نطر دی او پکې د ۱۴م پنځه کلن پلان په موده کې د چين د پرمختګ سترې لاسته راوړنې، د ۱۵م پنځه کلن پلان په موده کې د اقتصادي او ټولنیز پرمختګ د اړوندو چارو ستر اهميت او عمومي غوښتنې شاملې دي.
د وړاندیز دوهمه لويه برخه په بېلا بېلو برخو کې د ۱۵م پنځه کلن پلان په موده کې د ستراتيژيکو دندو په ترتيب او د سترو اقداماتو پسې تړاو لري. په درېیمې لویې برخې کې یې د چين د کمونېست ګوند د مرکزي کمېټې پر متمرکزې او واحدې رهبرۍ ټينګار شوی، چې پکې لا پياوړتيا او د سوسياليستي ډيموکراسۍ د قانوني حکومتوالۍ پرمخبېول شامل دي.
ګډونوالو د يادې غونډې په څنډه کې د دې وړانديز په باب بحثونه کړي او لوړه ارزونه يې کړې ده. د دوی په اند دا (( وړانديز )) د ګوند په تاريخ کې يوه بله مهمه مرامنامه ده چې لارښوونکې پاليسي يې دقيقه، پرمختيايي موخه يې څرګنده او اقدامات يې اغېزمن دي، نو دا له اوسني حالت سره سم د چيني شکله عصري کېدو د پرمخبېولو لپاره بل عمومي ترتيب دی او خامخا به د ګوندي او دولتي چارو پر پرمختګ ستره او ژوره اغېزه وکړي.
