د چين کمونېست ګوند د شلمې دورې مرکزي کمېټې څلورمه عمومي غونډه څو ورځې مخکې په بېجينګ کې تر سره شوې او د نړيوالې ټولنې د توجې مهم ټکی ګرځېدلې ده. په دې غونډه کې ټاکل شوې، چې چين به د پنځلسم پنځه کلن پلان په موده کې پر ځان بسياينې د لوړې کچې ټېکنالوژيکي خپلواکي او پرمختګ ومومي او د نوي کيفيت توليدي قوتونه به پياوړي کړي. د چين دغه ستراتيژيک ترتيب د بهرنيو خبري رسنيو پاملرنه راجلب کړې. زياتو بهرنيو خبري رسنيو دې ته اشاره کړې، دغه غونډه ښيي، چې چين د لوړ کيفيت پرمختګ او د نوي کفيت د توليدي قوتونو په ابادۍ کې د ټېکنالوژۍ رول ته په درنه سترګه ګوري او دا کار يې د نړيوال پرمختګ لوری روښانه کړی دی.
ولې بېلا بېل اړخونه د نوي کيفيت قوتونو ته زياته توجه کوي؟ د بهرني چاپيريال له لحاظه، د ساينس او ټېکنالوژۍ انقلاب او صنعتي اصلاحات د روانېدو ترڅنګ د نړيوال کېدو جريان د پروټېکشنيزم له راپورته کېدو سره مخ او د نړيوال اقتصاد د احيا خوځنده قوت کمزوری دی، نو ځکه بېلا بېل هېوادونه د پرمختګ د نويو خوځنده قوتونو موندلو ته بېړنۍ اړتيا لري. د چين د داخلي چاپيريال له لحاظه، په تېرو ۵ کلونو کې د چين د لوړې او نوې ټېکنالوژۍ تصديو شمېر له ۵۰۰ زرو زيات شوی او د هغو ډلو شمېر ۲۶ ته رسېدلی کومې چې د نړۍ د ساينس او ټېکنالوژۍ د غښتلو سلو ډلو په درجه بندۍ کې شاملې دي او دا رقم تر نورو هېوادونو او سيمو زيات دی. دا د پنځلسم پنځه کلن پلان د طرحې او تطبیق په اړه د چين پر وړاندې اړينه مسئله ده، چې دغه هېواد په راتلونکو پنځو کلونو کې څرنګه د تاريخ له فرصت څخه کار واخلي او د نوي کيفيت توليدي قوتونو ته وده ورکړي؟
چين به د پنځلسم پنځه کلن پلان په موده کې په کومو برخو کې د نوي کيفيت د توليدي قوتونو د پرمختګ لارښوونه وکړي؟ (( د ملي اقتصاد ا و ټولنې د پرمختګ لپاره د پنځلسم پنځه کلن پلان د جوړولو په اړه د چين کمونېست ګوند د مرکزي کمېټې وړانديز)) چې په څلورمه عمومي غونه کې تصويب شوی، يادې پوښتنې ته ځواب ورکولی شي. په دې وړانديز کې ليکل شوي، چې چين به د ابتکاري نوښت او د مهمو ټېکنالوژو د نوښت لپاره هڅې پياوړې کړي، د ټېکنالوژيک نوښت او صنعتي نوښت ژور پيوستون ته به وده وکړي، د ښوونې او ټېکنالوژيکو مستعدو جامع پرمختګ به ومومي او د ډيجيټل چين ابادي به پياوړې کړي. يادې څرګندونې ښيي، چې په چين کې د نوي کيفيت توليدي قوتونه له ساينسي او ټېکنالوژيک نوښت، صنعتي لوړوالي او زرغون اصلاح سره وصل شوي او د لوړ کيفيت پرمختګ به وهڅوي او نړۍ ته به نوی خوځنده قوت او نوي فرصتونه ورکړي.
بازار ډېر ارزښتناکه سرچينه بلل کيږي. چين له يو ميليارډ او ۴۰۰ ميليونو تنو زيات نفوس لري، چې پکې څه باندې ۴۰۰ ميليونه تنه د منځنۍ کچې عايد لرونکي دي. د همدغې لويې پيمانې بازار په نړۍ کې نادر دی. چين به په راتلونکو ۵ کلونو کې د ډيجيټلي او ځيرکو تخنيکونو له لارې عنعنوي سکټورونه اصلاح او بشپړ کړي، د نوي نسل د معلوماتي ټېکنالوژۍ او مصنوعي ځيرکتيا په برخو کې به يو شمېر نوي سکټورونه وروزي او د کوانټوم او بيولوژيک ساينس او ټېکنالوژۍ په برخو کې به د راتلونکو صنايعو د پرمختګ پلان طرحه کړي. دغه راز د چين لوی بازار به د ګردې نړۍ د نوښتونو د ازموينې او استفادې ډګر وګرځي او ورڅخه به ګټې پيدا شي. په چين کې بهرنې تصدۍ د ياد ټکي په اړه ژور احساسات لري.
چين د نړۍ د صنعتي او اکمالاتي ځنځير يوه مهمه برخه ده او په راتلونکو پنځو کلونو کې به د نوي کيفيت د توليدي قوتونو د پرمختګ لپاره د دغه هېواد د هڅو په رڼا کې نړۍ ته پرانيستې او مختلف همکاريز فرصتونه برابر شي او د ډيجيټلي کېدو، ځيرک کېدو او زرغون کېدو په لوري به د نورو هېوادونو د پرمختګ جريان وهڅول شي. د چين د موټرونو توليدي تصدۍ بي واې ډي يوه مسوول د چين مېډيا ګروپ خبريال ته ويلي، چې د دې تصدۍ د نوې انرژۍ موټرونه د نړۍ ۱۱۶ هېوادونو او سيمو ته ننوتلي او د انسانانو د زرغون او دوام لرونکي پرمختګ لپاره يې خدمات کوي. په برازيل کې به د دې تصدۍ فابريکه په مستقيم يا غير مستقيم ډول ۲۰ زرو ځايي خلکو ته دندې برابرې کړي او لا زيات وګړي به له صنعتي پرمختګ څخه ګټې واخلي.
لا مهمه خبره دا ده، چې د نوي کيفيت توليدي قوتونه نه يوازې د چين د اقتصادي پرمختګ ملاتړ کوي، بلکې د صنعت او ټېکنالوژۍ ترمنځ د پيوستون او د پرمختللو ډيجيټلي تخنيکونو د ودې له لارې به د نړيوال اقتصاد په پرمختګ کې د نوي انجين رول ولوبوي.
