له جاپاني یرغلګرو څخه د چین د تایوان د بيا ازادېدو د ۸۰مې کلیزې په مناسبت یوه غونډه د اکتوبر په ۲۵مه نېټه په بېجینګ کې جوړه شوه. د چین د کمونیست ګوند د مرکزي کمیټې د سیاسي بیورو د دایمي کمېسيون غړي او د سیاسي مشورتي کنفرانس د ملي کمیټې رئیس وانګ هو نینګ پکې ګډون وکړ او وینا وکړه. هغه وويل، چې موږ بايد د جاپاني تیري پر وړاندې د چینایانو د مقاومت او د فاشیزم ضد نړیوالې جګړې د بریا د ۸۰مې کلیزې په مناسبت غونډه کې د چین د دولت رئیس شي جین پینګ د مهمې وینا روحیه په ژوره توګه زده کړو او پلې کړو.
وانګ هو نینګ په خپله وینا کې وویل چې له جاپاني یرغلګرو څخه د چین د تایوان د بيا ازادېدو د يادونې ورځې ټاکل کېدل د یو چین پېژندنې د اصل د ساتلو او د ملي حاکمیت او ځمکنۍ بشپړتیا د ساتنې په برخه کې د چین د بېلا بېلو قومونو د خلکو ټینګ دریځ څرګندوي. ده زياته کړه چې دا په کور دننه او بهر کې د تایوان د هېوادوالو په شمول د چینایانو ګډې هیلې منعکسوي او د نړیوالې ټولنې دا اجماع پیاوړې کوي چې په نړۍ کې یوازې یو چین شتون لري او تایوان د چین یوه نه جلا کېدونکې برخه ده.
