روان کال له ایران او پاکستانه نږدې ۳میلیونه افغان کډوال را ستانه شوي

د ملګرو ملتونو د کډوالو عالي کمیشنرۍ( یو این ایچ سي ار) په خپاره کړي راپور کې ویلي، چې د روان کال د مارچ له ۱۲مې د نومبر تر ۲مې نېټې پورې ۲.۷۸ میلیونه افغان کډوال له ایران او پاکستان څخه هېواد ته را ستانه شوي دي. په راپور کې راغلي، چې د افغانستان او پاکستان ترمنځ د وروستیو نښتو له امله لارې بندې او د راستنېدو بهیر ځنډېدلی دی. دا په داسې حال کې ده، چې ملګرو ملتونو پرون د ستنېدونکو افغانانو د شمېر او د افغانستان د وضعیت په اړه راپور خپور کړ. په دې راپور کې ویل شوي، چې په تېرو نږدې ۷ میاشتو کې ۱.۵ میلیونه افغان کډوال له ایران څخه او ۵۰۰ زره نور له پاکستانه خپل هېواد ته ستانه شوي دي.