د چين او روسيې د بشردوستانه او کلتوري همکارۍ کمېټې ۲۶مه غونډه د نومبر په لومړۍ نېټه په بېجينګ کې تر سره شوه. د چين د دولتي شورا غړې جان يي چين او د روسيې مرستيالې صدراعظمې تاتيانا ګوليکوا په ګډه د دغې غونډې مشري وکړه.
د چين د دولتي شورا غړې جان يي چين دغې غونډې ته ويلي، دواړو خواوو د تېر کال د ۲۵مې غونډې راهيسې د مشرانو مهمه اجماع په مؤثر ډول پلې کړې، خپلمنځي انساني او کلتوري همکارۍ يې پر له پسې ژورې او پراخې کړې او د دواړو هېوادونو د خلکو پام يې خپل کړی دی.
د روسيې مرستيالې صدراعظمې تاتيانا ګوليکوا د روسيې او چين د انساني او کلتوري همکارۍ ميکانيزم له ټينګېډو راهيسې د شويو لاسته راوړنو لوړه قدرداني وکړه او هيله يې وښوده چې له چين سره په ګډو هڅو خپلمنځي واقعي همکارۍ پرمخ بوزي.
