د چين د دولت رئيس مرستيال هان جنګ د اکتوبر له ۲۸مې نه د نومبر تر لومړۍ نېټې پورې د سعودي عربستان د حکومت په بلنه دغه هېواد ته سفر کړی دی. هان جنګ په رياض کې د سعودي عربستان له وليعهد او لومړي وزير محمد بن سلمان بن عبد العزيز آل سعود سره وکتل او د راتلونکې پانګونې په اړه يې د وړانديز ۹مه غونډه کې ګډون وکړ او ورته يې يوه وينا وکړه.
هان جنګ د سعودي عربستان له وليعهد او لومړي وزير محمد بن سلمان بن عبد العزيز آل سعود سره د کتنې پر وخت ويلي، د چين کمونېست ګوند د شلمې مرکزي کمېټې په ۴مه عمومي غونډه کې دا مثبته نښه څرګنده شوې چې چين به خپل اصلاحات پر له پسې ژور کړي او د لوړې کچې ورخلاصون ته به دوام ورکړي. دا د چين او سعودي عربستان د اړيکو راتلونکي پرمختګ ته قيمتي فرصتونه برابرولای شي. چين هيله لري چې له سعودي عربستان سره د دواړو هېوادونو مشرانو مهمې اجتماع پلي کړي، د لوړ پوړيو تګ راتګ زيات کړي، په مختلفو ساحو کې واقعي همکارۍ پراخې کړي، انساني تګ راتګ او کلتوري تبادلې پياوړې کړي او د دواړو هېوادونو هراړخيز ستراتيژيکي مشارکت لا لوړې سويې ته ورسوي.
د سعودي عربستان وليعهد او لومړي وزير محمد بن سلمان بن عبد العزيز آل سعود د کتنې په ترڅ کې ويلي، چين د نړۍ مهم او لوی هېواد دی. د دواړو هېوادونو سياسي اړيکې ټينګ بنسټ لري او اوس د تاريخ په تر ټولو لوړ ټکي کې ولاړې دي. ده ویلي چې سعودي عربستان د يو چين پر پېژندنې ټينګار لري او غواړي چې له چيني لوري سره د اقتصاد او سوداګرۍ، پانګونې، مصنوعي ځيرکتيا، بيا استفاده کېدونکې انرژۍ او کانونو په شمول ساحو کې لا زياتې همکارۍ وکړي او ګډ پرمختګ ومومي.
