د موټرو نړيوالو تصديو د چين وارداتي نندارتون کې نوي توليدات نندارې ته وړاندې کړي

د چین اتم نړيوال وارداتي نندارتون د نومبر په پنځمه نېټه په شانګهای ښار کې پرانیستل شو، چې د همدې میاشتې تر لسمې نېټې به دوام ولري.

يو شمېر د موټرو پياوړو نړيوالو تصديو په دغه نندارتون کې خپل نوي توليدات نندارې ته وړاندې کړي دي.

ټویوټا (Toyota) د چين نړيوال وارداتي نندارتون په تېرو اوو پړاوونو کې هم ګډون کړی و او دا يې اتم ځل دی، چې په دغه نندارتون کې يې خپل توليدات نندارې او پلور ته وړاندې کړي دي. دغه شرکت په سږني نندارتون کې د موټرو يو لړ نوي تخنيکونه او د خپلې نوې جوړېدونکې فابريکې د موډل نمونې نندارې ته وړاندې کړي دي.

له دې وړاندې ټويوټا په شانګهای کې د نوې فابريکې د جوړولو پلان هم اعلان وکړ.

ولکسواګن ګروپ (Volkswagen Group) هم د چين د نړيوال وارداتي نندارتون په تېرو اوو پړاوونو کې ګډون کړی و او په سږني پړاو کې  يې د خپل اوډي (Audi) برانډ دوه ډوله برقي موټر نندارې ته اېښودلي دي.

دغه ګروپ په روان کال کې څو ډوله نوي موټر چيني بازار ته وړاندې کړي دي.