د چين د دولتي شورا د تايوان چارو دفتر وياندې جانګ هان د نومبر په ۵مه نېټه په يوه خبري ناسته کې ويلي، له جاپاني یرغلګرو څخه د چین د تایوان د بيا ازادېدو ۸۰مې کليزې د يادونې په اړه مستند فلم، چې د نوموړي دفتر، د چين د تایوان هېوادوالو ملي فدراسیون او د چین د مېډیا ګروپ لخوا په ګډه جوړ شوی دی، د چين مېډيا ګروپ په ټلويزيوني چينلونو کې د خپرېدو په حال کې دی.
دغه فلم په عمده توګه هغه تاريخي حقيقت ښودلی، چې د چين تايوان په ۱۸۹۵م کال کې د جاپاني يرغلګرو له خوا اشغال شوی او په ۱۹۴۵م کال کې يې بېرته وطن ته راتګ شوی. دغه فلم په تېرو څو کلونو کې د تايوان په اړه د څېړنو نوې پايلې راټولې کړې او هغه ازرښتناک تاريخي سندونه او ارشيف يې خپور کړي کوم چې په لومړي ځل علني شوي.
جانګ هان دغه مستند فلم ستايلی او باور يې ښودلی، چې د تايوان تنګي د دواړو غاړو هېوادوال او د هېواد په کور او بهر کې ټول چينايان د دغه مستند فلم له کتلو وروسته تاريخ ښه يادولی شي او د تايوان له بېلتون غوښتنې او بهرنۍ لاسوهنې سره د مخالفت او د هېواد د يووالي لپاره لا فعال خدمتونه کولی شي.
