د چین اتم نړیوال وارداتي نندارتون اوس په شانګهای ښار کې روان دی. د هوني ویل (Honeywell) شرکت مشر یو فنګ وویل چې دغه نندارتون قوي جذبیت لري. هغه د نندارتون غرفې ته د ننوتلو په ۱۰ دقیقو کې نوي ملګري ولیدل او په ۱۵ دقیقو کې يې د همکارۍ تړونونه لاسلیک کړي دي.
د چین د نړیوال وارداتي نندارتون په دې اتم پړاو ۴۶۱ نوي محصولات، ټېکنالوژي او خدمات نندارې ته وړاندې کړل. د دغه نندارتوه په تېرو ۷ پړاوونو کې، په ټولیزه توګه له ۳۰۰۰ څخه ډېر نوي محصولات، ټېکنالوژي او خدمات نندارې ته وړاندې شوي وو، چې په بشپړه توګه ښیي چې د چین بازار د نړیوال نوښت لپاره د ازموینې ډګر او د ګټې مرکز کېږي.
د چین د کمونېست ګوند د ۲۰مې مرکزي کمیټې په ۴مه عمومي غونډه کې چې څه موده مخکې بېجينګ کې ترسره شوه، د راتلونکو ۵ کلونو لپاره د دغه هېواد د اقتصادي او ټولنیز پرمختګ لپاره روښانه پلانونه ترتیب شول. د چین اتم نړیوال وارداتي نندارتون چې له دې غونډې وروسته د دغه هېواد لومړی لوی اقتصادي ډیپلوماتیک فعالیت بلل کيږي، د بهرنیو تصدیو لپاره د پرمختګ نوی ځوکنده ځواک برابروي.
د امریکا د هربالیف (HERBALIFE) شرکت مشرې څای منګ هونګ د چین مډیا ګروپ خبریال ته وویل، د دغه شرکت د سپورت تغذیه محصولاتو لړۍ چې د ۳ پرله پسې کلونو لپاره د چین نړیوال وارداتي نندارتون کې ښودل شوې وه، په ۲۰۲۱م کال کې په چین کې بازار ته وړاندې شوی او اوس توليد يې په چين کې هم ترسره کيږي، له دې څخه د چين د نړيوال وارداتي نندارتون ستر اغېز ښکاري.
په وروستیو کلونو کې، د ژوند علومو او مصنوعي ځیرکتیا په ګډون د چین نویو صنعتونو په چټکۍ سره وده کړې، چې د بهرنیو شرکتونو لپاره یې د پرمختګ پراخ امکانات رامنځته کړي. د بایر شرکت مشرې جانګ لې وویل، یو داسې بازار چې نړیوال نوښتګر صنعت رامنځته کولی شي، بې له شکه د پانګونې لپاره یو ډېر په زړه پورې ځای وي.
د چین نړیوال وارداتي نندارتون د کډوالو سوداګرو د ټولنې رئیس او د لوریال (L’ORÉAL) شرکت اجرائیوي مشر نیکولاس هیرونیموس وویل، چې د دغه شرکت د ټولو محصولاتو له څېړنې او توليد څخه د شانګهای په پودونګ سيمه کې د دغه شرکت د څېړنې او نوښت مرکز قوي ملاتړ کړي دي. اوس د دوی ټیم د راتلونکي نندارتون لپاره چمتووالی نیسي، ترڅو دوامداره نوښت ډاډمن کړي.
د سږ کال په مارچ کې د PwC لخوا خپره شوې سروې ښیي، چې نژدې ۶۰ سلنه بهرني شرکتونه په دې باور دي، چې د چین د نوښت ایکوسیستم د دوی د سیالۍ توان په لوړولو کې د پام وړ رول لوبولی دی او نیمایي شرکتونه تمه لري، چې دا ستراتیژیک اهمیت نور هم زیات شي.
د امریکا د ټیپسټري (Tapestry) شرکت مشر سندیپ سیټ وویل: (( د چین بازار زموږ اصلي ستراتیژیک بازار ګرځېدلی دی. د اټکل له مخې، په راتلونکو څو کلونو کې به په چین کې زموږ د شرکت سوداګریز ارزښت دوه چنده شي او موږ به د چین تجربې په نړیواله کچه خپرونې ته دوام ورکړو. )) د ښاغلي سندیپ یاد خبر د ډېرو بهرنیو شرکتونو احساسات منعکس کوي.
