ارزګان کې روان کال له ۶۶۹ هکټاره باغونو څخه ۶۴۶۹ ټنه انار راټول شوي

د ارزګان د کرنې، اوبو لګولو او مالدارۍ ریاست مسوولینو ویلي، چې روان کال په دغه ولایت کې د انارو له ۶۶۹ هکټاره باغونو څخه ۶۴۶۹ ټنه انار راټول شوي دي. د ارزګان یو شمېر بڼوالو ويلي، چې که څه هم د تېرکال په پرتله د انارو حاصلات ډېر و؛ خو د خرڅلاو لپاره یې مناسب بازار نه لري او د صادراتو په برخه کې له ستونزو سره مخ دي. د یاد ولایت د کرنې ریاست مسولین وایي، چې د ارزګان د انارو حاصلاتو ډېره برخه په خپله ارزګان کې په مصرف رسېږي او یو څه برخه یې کندهار ته له لېږدول کېدو وروسته هند او پاکستان ته صادرېږي.