د هند د بهرنیو چارو وزارت ویلي، چې له افغانستان سره د روغتیايي هڅو د پیاوړتیا په موخه یې ۷۳ ټنه درمل، واکسینونه او نور اړین طبي توکي کابل ته رالېږدولي. د دغه وزارت ویاند رندهیر جیسوال له افغانانو سره د هند پر دوامداره ملاتړ او همکارۍ ټینګار کړی او ویلي يي دي، چې یاد طبي توکي به په افغانستان کې د بیړنیو طبي اړتیاوو پوره کولو کې مرسته وکړي. نوي ډیلي کابل ته د طبي توکو دغه نوې کڅوړه داسې مهال لېږلې، چې د افغانستان د سوداګرۍ وزیر نورالدین عزیزي څو ورځې وړاندې هند ته د خپل سفر په ترڅ کې د کابل او نوي ډیلي ترمنځ د سوداګرۍ د پراختیا په موخه د یاد هېواد د بهرنیو چارو وزیر په ګډون د خصوصي سکټور له استازو سره د لیدنو پرمهال یو لړ سوداګریزې هوکړې وکړې.
هند له افغانستان سره د ۷۳ ټنه درملو او طبي توکو مرسته وکړه
Get real time update about this post categories directly on your device, subscribe now.
- Trending
- Comments
- Latest
